МІНСК, 8 сак – Sputnik. Старшыня КНР Сі Цзіньпін у аўторак заклікаў Францыю і Германію сумесна падтрымліваць мірныя перагаворы Расіі і Украіны, садзейнічаць пераадоленню цяжкасцей для дасягнення вынікаў і міру.
Сі Цзіньпін у аўторак правёў відэасаміт з прэзідэнтам Францыі Эмануэлем Макронам і канцлерам ФРГ Олафам Шольцам, лідары трох краін абмеркавалі сітуацыю ва Украіне, іранскую ядзерную здзелку і супрацоўніцтва Кітая з ЕС.
"Цяперашняя сітуацыя ва Украіне выклікае турботу, Кітай глыбока шкадуе аб тым, што на еўрапейскім кантыненце зноў успыхнуў пажар вайны", – заявіў Сі Цзіньпін, словы якога прыводзіць Цэнтральнае тэлебачанне Кітая.
Кітайскі лідар высока ацаніў намаганні Францыі і Германіі па ўрэгуляванні сітуацыі ва Украіне. Краіна гатова падтрымліваць узаемадзеянне і каардынацыю з Францыяй, Германіяй і ЕС, а таксама ў адпаведнасці з патрэбамі зацікаўленых бакоў адыгрываць актыўную ролю разам з міжнароднай супольнасцю.
У ходзе відэамоста з лідарамі Францыі і Германіі, ён падкрэсліў, што "мы павінны сумесна падтрымліваць мірныя перагаворы паміж Расіяй і Украінай, садзейнічаць таму, каб абодва бакі захоўвалі тэндэнцыю перагавораў, пераадольвалі цяжкасці і прадаўжалі дыялог для дасягнення вынікаў і міру".
Кітай лічыць, што суверэнітэт і тэрытарыяльную цэласнасць усіх краін трэба паважаць, выконваць асноўныя мэты і прынцыпы Статута ААН, сур’ёзна ставіцца да заканамерных заклапочанасцей у сферы бяспекі ўсіх дзяржаў, а таксама падтрымліваць усе намаганні, якія садзейнічаюць мірнаму ўрэгуляванню крызісу.
"Першачарговай справай (ва ўкраінскім крызісе. – Рэд.) з'яўляецца прадухіленне эскалацыі сітуацыі і выхаду яе з-пад кантролю", – лічыць Сі Цзіньпін.
Старшыня КНР Сі Цзіньпін таксама заклікаў да максімальнай стрыманасці і недапушчэння буйнамаштабнага гуманітарнага крызісу.
"Кітай высунуў ініцыятыву з шасці пунктаў аб гуманітарнай сітуацыі ва Украіне і гатоў аказаць Украіне далейшую гуманітарную дапамогу", - заявіў кітайскі лідар.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Мінабароны РФ аб поспехах спецаперацыі і адкрыцці гуманітарных калідораў
Японія ўвяла санкцыі супраць Лукашэнкі, яго сям’і і міністэрства абароны
Адмова ад расійскай нафты прывядзе да катастрафічных наступстваў – Новак
Мядзінскі распавёў аб выніках трэцяга раунда перагавораў РФ і Украіны – відэа
Пяскоў: спецаперацыю можна спыніць у любы момант, калі Кіеў выканае ўмовы