"ВКонтакте" ставіць новыя рэкорды актыўнасці карыстальнікаў

МІНСК, 16 сак - Sputnik. Сацыяльная сетка ВКонтакте фіксуе рэкордную актыўнасць аўдыторыі, якая стварае кліпы, гісторыі і пасты, пра гэта гаворыцца ў прэс-рэлізе сацсеткі.

14 сакавіка сацсетка ўстанавіла некалькі рэкордаў актыўнасці. За суткі карыстальнікі паглядзелі ролікі больш за 715 млн разоў - гэта на 19% больш папярэдняга рэкорду за 10 сакавіка.

"Карыстальнікі актыўна не толькі глядзяць, але і размяшчаюць кантэнт: аўтары апублікавалі на платформе ў 10 разоў больш кліпаў, чым у сярэднім за папярэдні месяц", – гаворыцца ў рэлізе.

За два папярэднія дні было апублікавана на 95% больш гісторый, чым за ўвесь мінулы тыдзень, колькасць аўтараў павялічылася на 71%, прагляды выраслі больш чым удвая. А колькасць створаных за сем дзён суполак вырасла на 369%.

На рост актыўнасці кліпераў паўплывала новая праграма падтрымкі, якую платформа запусціла 11 сакавіка. Платформа дазваляе як дасведчаным, так і пачынаючым аўтарам развіваць свой кантэнт і прэтэндаваць на выплаты з агульнага бюджэту 100 мільёнаў рублёў. Для гэтага на платформе з'явіцца рэйтынг найлепшых аўтараў, які будзе фармавацца па агульнай колькасці праглядаў кліпаў.

Таксама ВКонтакте запусціла найбуйную праграму падтрымкі блогераў у гісторыі кампаніі. Аўтары атрымліваюць максімум даходу ад інструментаў манетызацыі - такім чынам кампанія вырашыла падтрымаць прафесійных аўтараў.

Апошнія тыдні ВКонтакте адзначае бурны рост розных паказчыкаў. Цяпер ёю карыстаюцца больш за 50 млн чалавек у дзень, гэта таксама стала новым рэкордам па дзённай аўдыторыі ў Расіі. Расце спажыванне кантэнту, у тым ліку відэафармату - за апошні месяц колькасць штодзённых праглядаў павялічылася на 15,5%.

Колькасць праглядаў стужкі вырасла на 25% у суткі, зараз карыстальнікі праглядаюць на мільярды запісаў больш. Па дадзеных Brand Analytics, у лютым і сакавіку 2022 года ВКонтакте стала самай папулярнай пляцоўкай па актыўнасці аўтараў і колькасці публікацый.