МІНСК, 30 сак - Sputnik. Праблем з транспарціроўкай беларускіх грузаў не будзе, заявіў журналістам прэм'ер-міністр Беларусі Раман Галоўчанка, паведамілі ў прэс-службе ўрада.
Паводле яго слоў, беларускія ўлады не марнавалі часу і адпрацоўвалі з расійскімі партнёрамі схемы дастаўкі грузаў, якія ідуць на экспарт.
"Партоў у Расіі дастаткова, проста пад розныя грузы падыходзяць розныя тэрміналы. У сувязі з гэтым беларуская прамысловасць праблем з адгрузкай сваёй прадукцыі адчуваць не будзе", - запэўніў кіраўнік беларускага ўрада.
Раман Галоўчанка звярнуў увагу, што гэта адзін з галоўных вынікаў візіту беларускай урадавай дэлегацыі ў Санкт-Пецярбург.
Раней беларускія ўлады адмовіліся праз недружалюбныя крокі ад экспарту праз парты балтыйскіх краін. Пры гэтым улады Літвы фактычна зрабілі немагчымым выкарыстанне тэрмінала для калійных удабрэнняў у Клайпедзе, нягледзячы на тое, што беларуская кампанія з`яўлялася яго акцыянерам.
Затым цяжкасці з лагістыкай узніклі ў сувязі з правядзеннем спецыяльнай ваеннай аперацыі на ўкраінскай тэрыторыі. Але беларускія ўлады паспелі раней пераарыентаваць частку экспарту на расійскія парты.
Беларускі лідэр Аляксандр Лукашэнка ўжо анансаваў пачатак праекта па будаўніцтве тэрмінала на расійскай Балтыцы для перавалкі айчынных грузаў. Паводле яго слоў, на рэалізацыю праекта павінна спатрэбіцца каля 2 гадоў.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Пецярбург і Беларусь прынялі праграму супрацоўніцтва да 2026 года
Беларусь хоча выкарыстоўваць порт Бронка
Галоўчанка назваў аснову бяспекі і суверэнітэту Беларусі