МІНСК, 10 мая – Sputnik. У беларускай сталіцы з аўторка, 10 мая, завяршаецца ацяпляльны сезон.
Так, ацяпленне паступова будзе адключацца ў жылых дамах, інтэрнатах, ВНУ, тэатрах, агульнагарадскіх лазнях і гасцініцах. З сённяшняга дня адключаць батарэі будуць і ў дзіцячых садах, школах, паліклініках і бальніцах.
Ацяпляльны сезон скончыцца і для ўстаноў сацыяльнага забеспячэння, музеяў, дзяржаўных архіваў і бібліятэк.
Нагадаем, што батарэі ў грамадскіх, адміністрацыйных будынках на прамысловых прадпрыемствах Мінска ўжо адключылі 6 мая. Звычайна падача цяпла ў дамы і ўстановы спыняецца толькі тады, калі на працягу трох дзён сярэднесутачная тэмпература паветра захоўваецца на ўзроўні +8°C. Такое патрабаванне ўстаноўлена пастановай беларускага ўрада.
У хуткім часе жыхароў сталіцы чакае і адключэнне ў дамах гарачай вады. Згодна з планамі, гарачая вада па пэўным графіку перастане паступаць у дамы некаторых мінчан ужо праз тыдзень – з 17 мая.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Лукашэнку насцярожвае колькасць скарг на работу ЖКГ
Беларусаў, якія з'ехалі з краіны, прыраўнялі да "дармаедаў" у аплаце паслуг ЖКГ
Будуць расці: міністр ЖКГ распавёў аб цэнах на "камуналку"