Што прыродзе добра, тое алергіку смерць. Самыя каварныя расліны Беларусі

У пачатку мая ў Беларусі зацвітае самы злосны алерген – бяроза. Пасля дробнага дажджу пылок становіцца агрэсіўней. Для пылковага зерня вільготнасць паветра – гэта сігнал да размнажэння. Пылок выкідвае ў атмасферу бялкі-алергены, якія менш пылковага зерня і лягчэй пранікаюць у бронхі. Тое ж адбываецца падчас навальніцы – навальнічная астма – гэта небяспечны стан, які нярэдка прыводзіць да бронхаспазмы.

У перыяд цвіцення пылок клёну можа выклікаць алергічныя рэакцыі ў прыкладна 2-34% пацыентаў з палінозам. Клён цвіце ў Беларусі звычайна на пачатку мая. Плод – крылатка, якая складаецца з двух крылцаў, нагадвае па форме верталёт, – здольны разносіцца ветрам на адлегласць да кіламетру ад дрэва.

Перыяд красавання таполевага пуху супадае з перыядам цыіцення злакавых раслін. Лічыцца, што алергены злакаў, якія разносяцца пухам, як раз і выклікаюць моцныя праявы сезоннай алергіі.

Цімафееўка лугавая – невысокая трава, якая расце практычна ўсюды. У Беларусі, як і многія зёлкавыя расліны, цыіце ў ліпені. Часта магчыма ўзнікненне крыжаваных алергічных рэакцый на пылок злакаў аднаго сямейства (напрыклад, райграс, цімафееўка, мятлік, авёс, пшаніца, жыта, лісахвост і інш.).

Пылок палыну – неад’емны алерген лета, які пачынае трэцюю хвалю пылення раслін у жніўні. Асноўныя алергены гэтай хвалі – пустазелле амброзія і палын.

Амброзія пачынае цвісці ў канцы жніўня – верасні. Яе пылок – сезонны алерген нумар два ў нашай краіне пасля пылку злакавых раслін. Галоўны алерген амброзіі – Amb a 1. У яго назіраецца высокая крыжаваная рэактыўнасць з алергенамі палыну. І таму да 40% сенсібілізаваных да пылку амброзіі адчувальныя і да палыну, а таксама да пылку крыжакветных, у прыватнасці, рапсу.