Набліжацца да беларускай мяжы забаранілі ў трох абласцях Украіны

МІНСК, 24 мая – Sputnik. Жытомірскі пагранічны атрад увёў дадатковыя часовыя абмежаванні ў прыгранічных раёнах, паведамілі ў Дзяржаўнай пагранічнай службе Украіны.

Так, у Кіеўскай, Ровенскай і Жытомірскай абласцях забаранілі людзям набліжацца да беларускай мяжы бліжэй, чым на адзін кіламетр. Гэтае абмежаванне закране тыя населеныя пункты Украіны, якія непасрэдна прымыкаюць да ўкраінска-беларускай мяжы.

Пэўныя абмежаванні ўведзены і ў 20 кіламетрах ад мяжы ў Карасценьскім раёне Жытомірскай вобласці, Сарненскім і Варашскім раёнах Ровенскай вобласці і ў 5 кіламетрах ад мяжы ў Вышгародскім раёне Кіеўшчыны.

У прыватнасці, там нельга перамяшчацца людзям і транспарту і праводзіць усе віды работ па-за населеных пунктаў. Гэтая забарона дзейнічае з 22:00 да 05:00. Людзям таксама нельга знаходзіцца ў лясных масівах і лесапалосах.

Акрамя таго, уведзена забарона на выкарыстанне відэарэгістратараў, нельга таксама фатаграфаваць і здымаць на відэа дарогі агульнага значэння, аб’екты інфраструктуры, блокпасты і ўмацаванні воінскіх часцей.

Пад забарону трапілі таксама квадракоптары і іншыя беспілотнікі. Забаронена перавозіць зброю без спецыяльнага дазволу. Грамадзянскім таксама нельга апранаць ваенную форму ці яе элементы. Акрамя таго, пад забарону патрапілі паляванне і рыбалоўства, а таксама плаванне на ўсіх усіх відах плаўсродкаў на рэках, азёрах і іншых вадаёмах, якія знаходзяцца ў межах пагранічнай паласы.

Абмежаванні ўведзены аж да заканчэння дзеяння ваеннага становішча, уведзенага ва Украіне ў сувязі с расійскай ваеннай спецаперацыяй.

Аб пачатку спецаперацыі ў Данбасе заявіў прэзідэнт Расіі Уладзімір Пуцін 24 лютага, праз некалькі дзён пасля прызнання незалежнасці Данецкай і Луганскай народных рэспублік.

Кіраўнік расійскай дзяржавы абазначыў мэты спецаперацыі – дэмілітарызацыя і дэнацыфікацыя Украіны.

У Мінабароны РФ запэўнілі, што наносяць удары толькі па аб’ектах ваеннай інфраструктуры Украіны і ўкраінскіх войсках.