Военнослужащие ополчения Луганской Народной Республики - Sputnik Беларусь, 1920
Ваенная спецаперацыя РФ у Данбасе
Сітуацыя ў самаабвешчаных рэспубліках Данбаса абвастрылася пасля таго, як прадстаўніцтвы ДНР і ЛНР паведамілі аб абстрэлах з украінскага боку. Жыхароў рэспублік Данбаса пачалі эвакуіраваць у Расію. Пра тое, што адбываецца ў Данбасе, чытайце ў матэрыялах Sputnik.

Расія ніколі не адмаўлялася ад перагавораў з Украінай – Мядзінскі

© Sputnik / Александр КряжевПерагаворы Расіі і Украіны ў Гомельскай вобласці
Перагаворы Расіі і Украіны ў Гомельскай вобласці - Sputnik Беларусь, 1920, 23.05.2022
Падпісацца на
Yandex newsTelegram
Прэзідэнт Расіі Уладзімір Пуцін неаднаразова пацвярджаў сваю гатоўнасць правесці перагаворы на вышэйшым узроўні з украінскім бокам.
МІНСК, 23 мая – Sputnik. Расія ніколі не адмаўлялася ад перагавораў, у тым ліку і на вышэйшым узроўні, заявіў памочнік прэзідэнта Расіі і кіраўнік расійскай дэлегацыі на перагаворах Масквы і Кіева Уладзімір Мядзінскі ў эфіры тэлеканала АНТ.
Ён падкрэсліў, што сваю гатоўнасць правесці перагаворы не раз пацвярджаў і расійскі лідар Уладзімір Пуцін. Праблема, паводле яго слоў, заключаецца толькі ў тым, што для правядзення такой сустрэчы неабходна сур’ёзная падрыхтоўка, а таксама каб дакументы былі ўжо на высокай ступені гатоўнасці.
"Кіраўнікі дзяржаў павінны сустракацца для таго, каб дасягнуць фінальных дамоўленасцей і падпісаць дакументы, а не для таго, каб сфатаграфавацца", - растлумачыў ён.
Мядзінскі распавёў, што расійскі бок месяц таму перадаў украінскім калегам праект дамовы і хацелі рухацца далей, але з боку Украіны такога імкнення няма. Кіеў нават афіцыйна не пацвердзіў раней узгоднены праект дакумента і ўзяў паўзу ў перагаворах.
Што датычыцца ролі Беларусі ў перагаворным працэсе, то памочнік расійскага прэзідэнта адзначыў высокі ўзровень арганізацыі гэтых сустрэч, прычым як пратакольны і лагістычны, так і чалавечы.

Абяцанні Вашынгтона

Мядзінскі таксама пракаменціраваў абяцанне амерыканскіх улад аказаць Кіеву дапамогу на 40 мільярдаў долараў. Ён лічыць, што верыць у бескарыслівасць англасаксаў можа толькі той, хто не вучыў гісторыю. Памочнік прэзідэнта Расіі мяркуе, што, дапамагаючы такім чынам Украіне, заходнія краіны рэалізуюць паралельна дзве задачы: "Максімальна нашкодзіць Расіі і закабаліць Украіну".
Мядзінскі лічыць, што гэтыя краіны хочуць звязаць Украіну фінансавымі і палітычнымі абавязацельствамі, якія проста "ператвораць яе ў калонію". І, на яго думку, украінскія ўлады гэта цудоўна разумеюць.

Перагаворны працэс

Першы раунд расійска-ўкраінскіх перагавораў адбыўся 28 лютага – праз некалькі дзён пасля пачатку ваеннай спецаперацыі РФ на Данбасе. Затым былі яшчэ два раўнды – 3 і 7 сакавіка. Усе яны прайшлі на тэрыторыі Беларусі.
Потым перагаворы праводзіліся ў фармаце відэаканферэнцсувязі.
Чацвёртая вочная сустрэча прайшла ў Стамбуле 29 сакавіка. Па іх выніках кіраўнік расійскай дэлегацыі Уладзімір Мядзінскі адзначыў, што яны прайшлі канструктыўна, расійскі бок атрымаў шэраг прапаноў ад украінскага.
Потым 7 красавіка кіраўнік МЗС РФ Сяргей Лаўроў заявіў, што Кіеў адышоў ад асноўных стамбульскіх палажэнняў. Больш аб істотных выніках перагавораў бакі не паведамлялі.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Перамовы з Украінай фактычна прыпыніліся – Пуцін
Лаўроў распавёў, як Зяленскі можа прынесці мір Украіне
Мядзінскі: Расія не супраць уступлення Украіны ў ЕС
Сі Цзіньпін заклікаў Макрона і Шольца падтрымліваць перагаворы РФ і Украіны
Трэці раунд расійска-ўкраінскіх перагавораў завершаны – вынікі
Стужка навiн
0