МІНСК, 5 чэр – Sputnik. Новы тыдзень для беларусаў пачнецца без ападкаў, паветра ў панядзелак прагрэецца ад 23 да 26 градусаў, паведамілі ў Белгідрамеце.
Самы час загараць на пляжах – у бліжэйшыя дні, адзначаюць сіноптыкі, на большай частцы тэрыторыі краіны будзе суха. Надвор’е амаль зацішнае, воблачнасць – пераменная. У аўторак і сераду будзе таксама цёпла і камфортна – ноччу ад 8 да 15 градусаў вышэй за нуль, днём ад 20 да 26°C.
З чацвярга абяцаюць навальніцы: вялікі атмасферны фронт, які ідзе з Балтыкі, прынясе ў Беларусь дажджы. Павялічыцца воблачнасць, вільготнасць складзе 80-90%. Верагоднасць ападкаў – амаль стоадсоткавая. Тэмпературны фон стане ніжэйшым днём, але не адчувальна: ад 16 да 22 цяпла. Такое надвор’е захаваецца і ў пятніцу.
У выхадныя, мяркуюць прагназісты, стане яшчэ халаднавата. Не выключана, што будзе дзьмуць паўночны вецер. Слупок тэрмометра ноччу апусціцца да 7 градусаў па Цэльсіі, днём прагрэецца да 15-23 цяпла.
Няштатныя сітуацыі
МНС Беларусі ў сувязі з магчымымі навальніцамі папярэдзіла грамадзян аб акуратных паводзінах на дарогах, паблізу ад сістэм энергетыкі і ліній электраперадачы. Ратавальнікі не выключаюць падзенне слаба ўмацаваных канструкцый і дрэў з-за ветру, узнікненне прыродных пажараў.
Самы спякотны і халодны чэрвень у Беларусі
Згодна з тэмпературнай статыстыкай, самы халодны чэрвень у Беларусі за апошнія гады быў зафіксаваны ў 2014-м. Тады сярэдняя тэмпература паветра склала ўсяго 15 градусаў цяпла.
А самым цёплым стаў чэрвень 2019-га, калі сярэдняя тэмпература склала больш за 20 градусаў. Днём слупок тэрмометра дасягаў 35 градусаў.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Лясы па-ранейшаму забаронена наведваць у многіх паўднёвых раёнах Беларусі
Наступіла лета: для адпачывальнікаў у Мінску гатова больш за 20 пляжаў
Беларусь лідзіруе сярод краін СНД па тэмпах пацяплення клімату