МІНСК, 9 чэр – Sputnik. Курская вобласць будзе пастаўляць пшаніцу і соевы шрот на магутнасці Беларускай нацыянальнай біятэхналагічнай карпарацыі, расказаў журналістам губернатар гэтага расійскага рэгіёна Раман Старавойт пасля сустрэчы з прэзідэнтам Беларусі Аляксандрам Лукашэнкам, перадае карэспандэнт Sputnik.
Ён заявіў, што разам з курскай дэлегацыяй, куды ўвайшлі прадстаўнікі бізнесу, кіраўнікі профільных камітэтаў, рэктары ВНУ і іншыя, наведаў напярэдадні ўнікальнае прадпрыемства, якое ўзведзена пад Пухавічамі. Паводле яго слоў, аналагаў такіх сельгасвытворчасцей няма ў Еўропе, у асноўным гэты рынак трымаюць калегі з КНР.
"Прыемна адзначыць, што сыравінай для выпуску амінакіслот і вітамінаў будзе з’яўляцца пшаніца і соевы шрот, вырашчаны на тэрыторыі Курскай вобласці. Ужо 150 тысяч тон высакаякаснага збожжа знаходзіцца ў элеватарах БНБК", - сказаў Старавойт.
Губернатар паведаміў, што пасля запуску карпарацыі, які намечаны на 1 ліпеня, Курская вобласць пачне набываць амінакіслоты і вітаміны для вытворчасці розных камбікармоў – для буйной рагатай жывёлы, птушкі, рыбы.
Запуск БНБК
Беларускія ўлады рэалізуюць сумесны з кітайскай кампаніяй інвестыцыйны праект па запуску высокатэхналагічнай аграпрамысловай вытворчасці поўнага цыкла пад Пухавічамі.
БНБК – прадпрыемства няспыннага цыкла, яно будзе працаваць 330 дзён у годзе. Намеснік прэм’ер-міністра Беларусі Леанід Заяц раней паведаміў, што ў будучыні прадпрыемства можа забяспечыць выручку ў памеры не менш як 400 млн долараў. Ужо ёсць замовы з Расіі на 100 тысяч тон камбікорму для рыб.
"Нас просяць, каб мы вырабілі і паставілі на экспарт прэміксы, амінакіслоты. Таму я лічу, што за гэтым прадпрыемствам вельмі вялікая будучыня", - растлумачыў віцэ-прэм’ер.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Лукашэнка прапануе стварыць сумесныя вытворчасці ў Курскай вобласці
Расія выдзеліць на праекты па імпартазамяшчэнні ў Беларусі $1,5 млрд
Улады расказалі, калі будзе запушчана агракарпарацыя БНБК
Беларусь і Ленінградская вобласць разлічваюць павялічыць тавараабарот на 30%
Прыморскі край хоча атрымліваць беларускую тэхніку ў лізінг