МІНСК, 10 чэр – Sputnik. Пытанні рэгіянальнай бяспекі і перспектывы ўзаемадзеяння абмяркуюць у Ерэване міністры замежных спраў дзяржаў Арганізацыі дагавора аб калектыўнай бяспецы, паведамілі ў АДКБ.
Сустрэча пройдзе ў вочным фармаце. На саміт прыбудуць кіраўнікі МЗС краін АДКБ, на палях пасяджэння плануецца шэраг двухбаковых сустрэч з міністрам замежных спраў Расіі Сяргеем Лаўровым.
"10 чэрвеня ў Ерэване пад старшынствам міністра замежных спраў Арменіі Арарата Мірзаяна адбудзецца чарговае пасяджэнне Савета міністраў замежных спраў АДКБ, у якім прыме ўдзел генеральны сакратар АДКБ Станіслаў Зась", - гаворыцца ў паведамленні АДКБ.
Адзначаецца, што ў Ерэване будуць абмеркаваны актуальныя пытанні міжнароднага парадку, а таксама рэгіянальная бяспека.
У АДКБ паведамілі, што міністрам дадуць інфармацыю аб тым, якая работа праводзіцца сакратарыятам і Аб’яднаным штабам арганізацыі па пытаннях рэагавання на сучасныя выклікі і пагрозы.
Як раней інфармавала расійскае знешнепалітычнае ведамства, па выніках пасяджэння будзе падпісаны шэраг дакументаў, якія датычацца знешняй палітыкі абароны і бяспекі на 2022-2024 гады.
АДКБ – міжнародная арганізацыя па пытаннях бяспекі, удзельнікамі якой з’яўляюцца шэсць дзяржаў: Арменія, Беларусь, Казахстан, Кіргізія, Расія і Таджыкістан. Яна была створана ў 1992 годзе.
Цяпер у АДКБ старшынствуе Арменія.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Зась ацаніў магчымасці рэакцыі АДКБ на пашырэнне НАТА
У Беларусі будзе створана народнае апалчэнне - міністр абароны
МЗС РФ: мандат АДКБ не прадугледжвае ўвод калектыўных сіл ва Украіну
Расія працягне ваенную аперацыю ва Украіне – Шайгу
Пуцін сказаў, чым насамрэч займаюцца ЗША і НАТА, і як адкажа АДКБ