МІНСК, 14 чэр – Sputnik. Меры для таго, каб падштурхнуць людзей рэканструяваць шматпавярхоўкі і менш плаціць за ацяпленне, прадугледжаны ўказам прэзідэнта, прынятым у верасні 2019 года, нагадаў начальнік упраўлення жыллёвай гаспадаркі Мінжылкамгаса Андрэй Рамашка, выступаючы ў мультымедыйным прэс-цэнтры Sputnik Беларусь.
Ён расказаў, як людзі могуць уцяпліць сваё жыллё і прыняць іншыя меры для павышэння энергаэфектыўнасці дамоў, у якіх жывуць.
У прыватнасці, прапанаваць выканаць уцяпленне можа як нехта з жыхароў дома, так і кіруючая арганізацыя.
"Усе работы па рэалізацыі энергаэфектыўных мерапрыемстваў выконваюцца першапачаткова за кошт бюджэтных сродкаў, а ўласнікі ў далейшым кампенсуюць затраты толькі пасля іх рэалізацыі і на працягу 10 гадоў", - адзначыў Рамашка.
Да 50% выдаткаў бярэ на сябе дзяржава, людзі пакрываюць астатнюю частку. Колькі трэба кампенсаваць жыхарам канкрэтнай кватэры, разлічваецца прапарцыйна плошчы, якая належыць уладальнікам, растлумачыў начальнік упраўлення.
Прымаюць рашэнне аб уцяпленні і іншых работах у доме на агульным сходзе: каб мадэрнізацыя стала абавязковай, "за" павінны прагаласаваць дзве трэці ўласнікаў кватэр у доме.
Па словах начальніка ўпраўлення, жыхары могуць выбраць, якія канкрэтна з магчымых работ па павышэнні энергаэфектыўнасці будуць праводзіць у іх доме.
"У цэлым, зыходзячы з гэтых умоў, за апошнія некалькі гадоў цеплавую мадэрнізацыю ў адпаведнасці з указам прайшло 12 шматкватэрных жылых дамоў", - прывёў лічбы чыноўнік.
Рамашка расказаў, што ўцяпліць дом можна падчас правядзення капрамонту, і ў большасці дамоў, жыхары якіх прынялі адпаведнае рашэнне за час дзеяння ўказа, работы праводзіліся менавіта ў гэты час. Ён дадаў, што зараз праводзяцца работы яшчэ ў чатырох дамах.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Больш за паўмільёна скарг на працу ЖКГ паступіла ў службу 115 з пачатку года
Міністр ЖКГ расказаў, што будзе з цэнамі на камунальныя паслугі
Лукашэнку насцярожвае колькасць скарг на работу ЖКГ