МІНСК, 15 чэр - Sputnik. Галоўнае дасягненне ў супрацоўніцтве Расіі і Беларусі - гэта роўныя правы грамадзян, заявіў на адкрыцці выставы, прысвечанай 30-годдзю дыпламатычных адносін паміж краінамі, кіраўнік МЗС Беларусі Уладзімір Макей, перадае карэспандэнт Sputnik.
"Я лічу, што гэта вельмі знакавая дата ў гісторыі нашых адносін. Знакавая не толькі з пункту гледжання сімвалізму, але і з пункту гледжання рэальных спраў, падзей, дасягненняў. Мы можам адназначна канстатаваць, што мы падышлі да гэтай даты з вялізным багажом, назапашаным ва ўсіх сферах нашага супрацоўніцтва - палітычнай, ваеннай, гуманітарнай гандлёва-эканамічнай і іншых", - адзначыў міністр.
Паводле яго слоў, 30 гадоў супрацоўніцтва стваралася не на пустым месцы, народы дзвюх краін на працягу больш за дзвесце гадоў жылі ў адных дзяржаўных утварэннях, змагаліся разам супраць іншаземных захопнікаў, будавалі светлую будучыню.
"Нашы народы абсалютна блізкія, фактычна адзіныя - і ментальна, і культурна, і псіхалагічна. І звязаны цеснай чалавечай сувяззю. Гэта вельмі важна", - канстатаваў ён.
Макей заявіў, што пасля развалу Савецкага Саюза абедзве дзяржавы зрабілі максімум для таго, каб аднавіць сувязі ва ўсіх без выключэння сферах.
"З майго пункту гледжання, самым галоўным нашым дасягненнем з'яўляецца тое, што мы забяспечылі роўныя правы грамадзян Беларусі і Расіі. Сёння беларусы не адчуваюць сябе чужымі ў Расіі. І наадварот - расіяне не адчуваюць сябе чужымі ў Беларусі", - указаў кіраўнік беларускага МЗС.
Ён дадаў, што расіяне могуць свабодна вучыцца ў беларускіх ВНУ, лячыцца ў медыцынскіх установах, набываць нерухомасць у нашай краіне і гэтак далей.
"Можам канстатаваць, што ўзровень нашых адносін зараз высокі як ніколі", - сказаў на заканчэнне міністр.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Каля 30% саюзных праграм рэалізаваны - Грызлоў
Лукашэнка даручыў эфектыўна працаваць на рынку Расіі
Фінішная прамая: Мезенцаў аб рэалізацыі саюзных праграм Беларусі і Расіі