МІНСК, 21 чэр – Sputnik. Пасяджэнне Савета ЕЭК праходзіць у Мінску, у яго парадку дня шэсць пытанняў, перадае карэспандэнт Sputnik.
У Савеце бяруць удзел віцэ-прэм’еры краін ЕАЭС. Беларускі бок прадстаўляе намеснік кіраўніка ўрада Ігар Петрышэнка, армянскі – віцэ-прэм’ер Арменіі Мгер Грыгаран, казахстанскі – віцэ-прэм’ер Бахыт Султанаў. Ад Расіі ў Савеце ўдзельнічае віцэ-прэм’ер Аляксей Аверчук, ад Кыргызстана – в.а. першага намесніка старшыні кыргызскага Кабміна Адылбек Касымаліеў.
Бакі абмеркавалі шэсць пытанняў, адно з іх – зніжэнне ставак увазных мытных пошлін і прымяненне тарыфных ільгот адносна відаў сельгасабсталявання і некаторых сельгаставараў.
Віцэ-прэм'ер Беларусі Ігар Петрышэнка на пасяджэнні Савета ЕЭК у Мінску
© Sputnik / Виктор Толочко
Асобна віцэ-прэм’еры правялі перагаворы па "цукровай" квоце – аб’ёмах паставак з Расіі і Беларусі ў іншыя краіны ЕАЭС.
Намеснік старшыні Урада Расійскай Федэрацыі Аляксей Авярчук
© Sputnik / Виктор Толочко
Бакі таксама абмеркавалі прагнозны баланс па пастаўках некаторай іншай прадукцыі – збожжавых, алеяў, макулатуры і лому.
Петрышэнка таксама прапанаваў правесці наступнае пасяджэнне Савета ЕЭК у Віцебску 15-16 ліпеня, і запрасіў прадстаўнікоў краін на адкрыццё Славянскага базару.
Пасля заканчэння пасяджэння Савета ЕЭК удзельнікі перамесцяцца на іншую пляцоўку – у "Дыпсэрвіс Хол", там пройдзе другі дзень пасяджэння Еўразійскага міжурадавага савета, але ўжо пашыраным складзе. Чакаецца, што па яго выніках кіраўнікі ўрадаў падпішуць рашэнні савета, якія прадугледжваюць далейшае развіццё эканамічнай інтэграцыі на Еўразійскай прасторы.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
ЕАЭС трымае абарону ў глабальнай эканамічнай вайне – Галоўчанка
Міністр ЕАЭС: дэфіцыту лекаў няма і не будзе
Дзякуючы санкцыям унутраны тавараабарот у ЕАЭС значна вырас