МІНСК, 5 жні – Sputnik. Амерыканскія ўлады паведамілі аб рашэнні аб’явіць воспу малпаў надзвычайнай сітуацыяй, адпаведную заяву зрабіў міністр аховы здароўя ЗША Хаўер Бесера.
"Я аб’яўлю надзвычайную сітуацыю ў сферы аховы здароўя ў сувязі з воспай малпаў. Мы гатовы вывесці меры рэагавання на вірус на наступны ўзровень і заклікаем кожнага амерыканца ўспрымаць воспу малпаў сур’ёзна", - сказаў ён падчас тэлефоннага брыфінгу.
Па даных міністра, усяго да цяперашняга часу ў краіне зафіксаваны 6,6 тыс выпадкаў захворвання.
Раней шэраг амерыканскіх штатаў заяўляў аб увядзенні надзвычайнай сітуацыі з-за распаўсюджвання воспы малпаў.
Што вядома аб воспе малпаў
Воспа малпаў – гэта рэдкае віруснае заанознае захворванне. Яно перадаецца чалавеку ад жывёл. Сімптомы гэтага захворвання ў чалавека падобныя з сімптомамі, якія ў мінулым назіраліся ў пацыентаў з натуральнай воспай, аднак яны менш сур’ёзныя.
Звычайна людзі, якія заразіліся гэтым вірусам, папраўляюцца за некалькі тыдняў, але ў некаторых бываюць і ўскладненні. Сярод першых сімптомаў воспы малпаў – ліхаманка, галаўны і мышачны болі, болі ў спіне, павелічэнне лімфатычных вузлоў, дрыжыкі і знясіленне. Можа з’явіцца высыпка, якая часцей за ўсё пачынаецца на твары, а потым распаўсюджваецца і на іншыя часткі цела.
Раней захворванне перыядычна рэгістравалася толькі ў некаторых раёнах Цэнтральнай і Заходняй Афрыкі. Большасць выпадкаў у "новых" для віруса дзяржавах не былі звязаны з паездкамі ў эндэмічныя раёны: СААЗ называе гэта "вельмі незвычайнай падзеяй".
Сітуацыя ў Беларусі
Міністэрства аховы здароўя Беларусі ацэньвае рызыку завозу ў краіну малпавай воспы як вельмі невысокую. У ведамстве паведамілі, што ў наземных пунктах пропуску цераз мяжу робяцца неабходныя меры.
Было некалькі падазроных выпадкаў, да пацыентаў нават вылятала санавіяцыя, але асцярогі ўрачоў не пацвердзіліся.
Таксама ў сярэдзіне чэрвеня беларускія эксперты паведамілі аб распрацоўцы айчынных тэст-сістэм для выяўлення воспы малпаў з дапамогай ПЦР. Вынік будзе гатоў праз некалькі гадзін пасля забору матэрыялаў.
Раней аб выпадках захворвання ўжо паведамлялі суседнія з Беларуссю краіны – Расія і Літва.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Першы выпадак воспы малпаў выяўлены ў Расіі
СААЗ назвала колькасць выпадкаў малпавай воспы ў свеце
Беларускія спецыялісты стварылі тэст-сістэму для дыягностыкі воспы малпаў
Першыя выпадкі воспы малпаў выявілі ў Бразіліі і Грэцыі
Успышка воспы малпаў: што пра яе вядома і ці чакаць новую пандэмію?