МІНСК, 30 жні – Sputnik. Прэзідэнт Беларусі Аляксандр Лукашэнка 1 верасня правядзе ўрок гісторыі для старшакласнікаў, пра гэта паведаміў падчас жнівеньскай канферэнцыі педагагічных работнікаў Мінска міністр адукацыі Беларусі Андрэй Іванец.
"У Дзень ведаў кіраўнік дзяржавы правядзе ўрок гісторыі "Дарогамі будучыні", які будзе трансліравацца для навучэнцаў 10-11-х класаў абсалютна ўсіх школ нашай краіны, а таксама для дзяцей, якія навучаюцца ва ўстановах ПТА і ССА, студэнтаў ВНУ", - цытуе кіраўніка Мінадукацыі агенцтва "Мінск-Навіны".
Раней Мінадукацыі была названа тэма першага ўрока 1 верасня: "У гістарычнай памяці сіла і адзінства беларускага народа". Школам і гімназіям у сувязі з гэтым рэкамендавана запланаваць правядзенне тэматычных мерапрыемстваў і адзіных урокаў.
Як раней паведамлялася, у 2022/2023 навучальным годзе ў Беларусі будзе функцыянаваць 2901 дзяржаўная ўстанова агульнай сярэдняй адукацыі.
Па даных Мінадукацыі, у гэтам годзе за парты сядзе 1 мільён 85 тысяч навучэнцаў, з іх 115 тысяч першакласнікаў.
Да 1 верасня ў краіне ўводзяцца чатыры новыя школы – у Кобрыне на 471 месца, у Століне на 321 месца, у Смалявічах на 720 месцаў і ў Мінску на 1020 месцаў.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Да 470%: МАРГ выявіў парушэнне цэн на школьныя тавары
Пікантная курачка і мітболы – што ўвойдзе ў школьнае меню
Мінадукацыі паабяцала змены ў школьнай праграме