МІНСК, 2 вер – Sputnik. З надыходам восеньскай прахалоды ўладальнікі хатніх гаспадарак сталі актыўна запасацца дровамі да ацяпляльнага сезона. Ці ёсць чэргі і чаму трэба не чакаць халадоў, пра гэта расказала афіцыйны прадстаўнік Мінлясгаса Анастасія Мацкевіч у мультымедыйным прэс-цэнтры Sputnik Беларусь.
Мацкевіч адзначыла, што дровы для большасці беларусаў, якія жывуць у сельскай мясцовасці, сёння асноўны від паліва. Паклапаціцца аб іх нарыхтоўках яна параіла загадзя, каб не паўтарылася леташняя сітуацыя. Адносна цёплая восень змянілася рэзкім пахаладаннем і маразамі. У гэты перыяд людзі пачалі масава купляць дровы, што прывяло да ажыятажу.
"Таму ў гэтым годзе мы ўжо ў студзені, лютым заклікалі грамадзян загадзя падумаць аб ацяпляльным пытанні. Да нас прыслухаліся. Калі ў пікавы перыяд мінулага года даходзіла да 15 000 новых заявак у дзень, то сёння ў сярэднім мы атрымліваем па 1000 заявак і прыкладна такую ж колькасць задавальняем", - сказала Мацкевіч.
Таксама яна расказала, што не заўсёды трэба непасрэдна прыязджаць у лясгасы.
"Мы цяпер укаранілі паслугу анлайн заказаў. Дзейнічае яна пакуль не ва ўсіх лясгасах і працуе пакуль у тэставым рэжыме. Мы вывучаем наколькі запатрабавана будзе гэта паслуга сярод насельніцтва. І пакуль атрымліваем станоўчыя водгукі", - сказала Мацкевіч.
У большай частцы ёй карыстаюцца людзі, чые састарэлыя бацькі пражываюць у сельскай мясцовасці і не могуць вырашыць гэтае пытанне самастойна.
Прадстаўнік Мінлясгаса падкрэсліла, што дроў хопіць усім. Толькі на складах нарыхтавана больш за мільён кубаметраў драўніны. У выпадку экстрэмальна халоднай зімы гэтыя запасы будуць папоўнены.
Тэрыторыя Беларусі на 45% пакрыта лясамі.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь