Вучыч прадказаў Еўропе "палярную зіму"

МІНСК, 7 вер – Sputnik. Еўропу чакае не толькі халодная, але і "палярная" зіма, калі Захад мяркуе, што лёгка можа перамагчы Расію ваенным шляхам, заявіў у сераду сербскі прэзідэнт Аляксандр Вучыч на сумеснай прэс-канферэнцыі з турэцкім калегам Рэджэпам Таіпам Эрдаганам.

Прэзідэнт Турцыі цяпер знаходзіцца з візітам у Бялградзе, у сераду адбыліся яго перагаворы з Вучычам. Пасля ўрадавыя дэлегацыі падпісалі шэраг двухбаковых дакументаў.

Ён падкрэсліў, што, калі еўрапейскія палітыкі думаюць, што змогуць перамагчы Расію ваенным шляхам, ЕС трэба добра падрыхтавацца да зімовага перыяду, які абяцае быць складаным.

Раней расійскі прэзідэнт Уладзімір Пуцін, каментуючы планы абмежаваць цэны на энергарэсурсы з РФ, заяўляў, што заходнія краіны не ў тым становішчы, каб дыктаваць расійскаму боку ўласныя ўмовы.

Нагадаем, міністры фінансаў краін "вялікай сямёркі" (Вялікабрытанія, Германія, Італія, Канада, ЗША, Францыя і Японія) 2 верасня пацвердзілі свой намер прымяніць цэнавыя абмежаванні на нафту з РФ у рамках пашырэння санкцый. Акрамя таго, у бліжэйшы час Еўракамісія збіраецца абмеркаваць ліміт цэн на імпартаваны з Расіі газ.

У Маскве ў сваю чаргу папярэдзілі, што дзяржавы, якія ўвядуць ліміты, увогуле застануцца без расійскай нафты.

Пасля таго, як Расія пачала спецаперцыю ва Украіне, заходнія краіны ўзмацнілі санкцыйны націск у дачыненні да Масквы. Было прынята шэсць пакетаў антырасійскіх санкцый, у якія ўвайшло эмбарга на пастаўкі вугалю і нафты.

Пры гэтым антырасійскія санкцыі ўдарылі па краінах ЕС. У першую чаргу, адмова ад расійскіх газу і нафты выклікала некантралюемы рост цэн на электраэнергію і, як вынік, інфляцыю. Эксперты прагназуюць, што на гэтым фоне Еўропу чакае "гарачая палітычная восень" і "халодная, поўная нявызначанасці зіма".