МІНСК, 7 кас – Sputnik. Лаўрэтамі Нобелеўскай прэміі міру ў гэтым годзе сталі старшыня праваабарончага цэнтра ў Беларусі "Вясна"* (ліквідаваны і прызнаны экстрэмісцкім) Алесь Бяляцкі, расійская праваабарончая арганізацыя "Мемориал" (прызнана іншаагентам у РФ і ліквідавана) і ўкраінская праваабарончая арганізацыя "Цэнтр грамадзянскіх свабод". Пра гэта паведамляе Нобелеўскі камітэт.
Нобелеўскі тыдзень стартаваў 3 кастрычніка. Ужо названы пераможцы ў галіне хіміі, фізікі і медыцыны, літаратуры.
Праваабарончы цэнтр "Вясна" быў зарэгістраваны ў Беларусі ў 1999 годзе. У кастрычніку 2003-га ён быў ліквідаваны рашэннем Вярхоўнага суда Беларусі з-за парушэнняў падчас назірання за прэзідэнцкімі выбарамі ў 2001-м.
Мінюст Беларусі некалькі разоў адмаўляў у рэгістрацыі структуры, і яна была зарэгістравана за мяжой. У 2011 годзе быў затрыманы кіраўнік цэнтра Алесь Бяляцкі, якому суд прызначыў рэальны тэрмін за падатковае злачынства (выйшаў па УДВ у 2014 годзе).
Сайт незарэгістраванай у Беларусі "Вясны" рэгулярна публікаваў спіскі затрыманых на пратэстных акцыях. У лістападзе 2020 года сайт незарэгістраванай арганізацыі быў заблакіраваны.
Бяляцкі, як і некалькі супрацоўнікаў цэнтра "Вясна", знаходзіцца пад вартай. Сам цэнтр паведамляў, што затрыманне праходзіла ў рамках крымінальнай справы па артыкулах "арганізацыя і фінансаванне групавых дзеянняў, якія груба парушаюць грамадскі парадак" і "ўхіленне ад выплаты падаткаў".
Алесь Бяляцкі быў затрыманы 14 ліпеня 2021 года. Як паведамілі Sputnik інфармаваныя крыніцы, зараз Бяляцкі праходзіць абвінавачаным па крымінальнай справе аб нявыплаце падаткаў у асабліва буйным памеры, папярэдняе следства ўжо падыходзіць да канца.
"Хутка яму павінны прад’явіць канчатковае абвінавачанне, потым пачнецца азнаямленне з матэрыяламі справы абвінавачаных, пасля чаго справу перададуць пракурору і накіруюць у суд", - сказаў суразмоўца агенцтва.
На яго думку, справа можа быць у судзе ўжо да канца гэтага года.
Нобелеўскай прэміі міру ў 2021 годзе ўдастоіліся расійскі журналіст і галоўны рэдактар "Новой газеты" Дзмітрый Муратаў і філіпінская журналістка Марыя Рэса. У 2020 годзе – гуманітарная арганізацыя Сусветная харчовая праграма.
*У снежні 2021 года ўся інфармацыйная прадукцыя арганізацыі "Вясна" прызнана ў Беларусі экстрэмісцкай
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Суд абвясціў абвінаваўчы прыгавор па справе БелаПАН*
СК падрыхтаваў матэрыялы для пачатку завочных судоў у дачыненні да "збеглых"
"Аб’яднаны кабінет" Ціханоўскай у Беларусі прызнаны экстрэмісцкім
Лукашэнка расказаў, каму свеціць амністыя да Дня народнага адзінства
Суд абвясціў абвінаваўчы прыгавор па справе аб спробе дзяржперавароту