МІНСК, 21 кас – Sputnik. У сакратарыят парламента перададзены прапановы аб амністыі асуджаных па так званых "пратэстных" артыкулах, распавёў дырэктар інфармацыйна-аналітычнай установы "Круглы стол дэмакратычных сіл" Юрый Васкрасенскі, выступаючы ў пятніцу ў парламенце, перадае карэспандэнт Sputnik.
Ён адзначыў, што ў гэтым законапраекце аб амністыі няма пунктаў, якія датычацца амнісціравання тых асоб, што былі асуджаныя па выніках падзей 2020 года.
"У законапраекце мы прапануе выключыць са спіску артыкулаў Крымінальнага кодэкса Рэспублікі Беларусь наступныя артыкулы, якія не падпадаюць пад гэты закон: 130, 293, 342, 363-369 у поўным аб’ёме", - заявіў кіраўнік КСДС.
Паводле яго слоў, 99% асуджаных атрымалі пакаранне за абразлівыя каментарыі па 364-м артыкуле – гвалт або пагроза гвалту ў дачыненні да супрацоўніка міліцыі. Васкрасенскі прывёў прыклад, калі малады чалавек напісаў каментарый і атрымаў больш за тры гады турмы.
"Два гады ён ужо адсядзеў. Навошта нам трымаць яго ў турме далей?" - задаў рытарычнае пытанне ён.
Паддаліся эмоцыям
Адказваючы на пытанні дэпутатаў, дырэктар інфармацыйна-аналітычнай установы адзначыў, што прашэнне аб памілаванні напісалі 330 чалавек. Ён растлумачыў, што ў асноўнай масе гэта людзі, якія паддаліся эмоцыям.
"І з імі трэба дзейнічаць так, як дзейнічаў, напрыклад, Такаеў (прэзідэнт Казахстана Касым-Жамарт Такаеў - Sputnik). Ён практычна ўсіх амнісціраваў, за выключэннем "завадатараў". Такіх мы ўсіх ведаем…", - сказаў на заканчэнне Юрый Васкрасенскі.
Нагадаем, законапраект аб амністыі дэпутаты маюць намер разгледзець на сесіі ў пачатку лістапада. У рамках амністыі мяркуецца вызваліць каля 4,5 тысяч асуджаных.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Лукашэнка расказаў, каму свеціць амністыя да Дня народнага адзінства
Амаль 200 гадоў на 12 чалавек: суд абвясціў прыгавор па справе аб тэрарызме
Суд абвясціў абвінаваўчы прыгавор па справе БелаПАН*
СК падрыхтаваў матэрыялы для пачатку завочных судоў у дачыненні да "збеглых"
Суд абвясціў абвінаваўчы прыгавор па справе аб спробе дзяржперавароту