МІНСК, 8 ліс – Sputnik. Палата прадстаўнікоў рыхтуецца прыняць у першым чытанні праект закона "Аб змяненні законаў па пытаннях адукацыі", дакумент апублікаваны на Нацыянальным прававым інтэрнэт-партале.
Акрамя іншага, папраўкі закрануць моўныя пытанні.
Напрыклад, прапануецца змяніць артыкулы 21 і 22, дзе гаворыцца аб мовах навучання ў школах, ВНУ і іншых установах адукацыі. Застаецца гарантыя таго, што жыхар Беларусі мае права на навучанне як на рускай, так і беларускай мовах. Але фраза крыху зменена. Замест "на беларускай ці рускай мовах" у законе будзе напісана "на беларускай і (або) рускай мовах".
Таксама з артыкула 21 выдаляецца фраза: "Права на выхаванне і атрыманне адукацыі на роднай мове маюць асобы іншых нацыянальнасцей, якія жывуць у рэспубліцы".
У артыкуле 22 будзе напісана, што ў дзіцячых садах і школах навучанне можа быць на замежнай мове па ўзгадненні з міністэрствам адукацыі і "пры наяўнасці ўмоў". У старой версіі закона гаворыцца, што па жаданні вучняў і бацькоў (законных прадстаўнікоў), па рашэнні мясцовых улад і пры ўзгадненні з Мінадукацыі могуць стварацца класы або школы, дзе вучацца на мове нацменшасці.
Калі закон будзе прыняты, гэтыя новаўвядзенні набудуць моц пасля афіцыйнага апублікавання.
Нагадаем, што раней у Беларусі існавалі дзве школы з навучаннем на польскай (у Гродне і Ваўкавыску). З 2022/2023 навучальнага года яны перайшлі на рускую з захаваннем урокаў польскага.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Галоўчанка назваў школьнае харчаванне нясмачным і аднастайным
Падыходы да выкладання гісторыі Беларусі ў 10-11-х класах трэба мяняць – Іванец
Як вучням будзе аказвацца псіхалагічная дапамога, вызначыла Мінадукацыі
Амаль палова вучняў прыватных школ ужо перайшла ў дзяржаўныя
Школьны дзяржстандарт – для дысцыпліны і парадку: што ў новым дакуменце?