МІНСК, 16 ліс – Sputnik. Расійская дэлегацыя на чале са старшынёй Цэнтрвыбаркама Элай Памфілавай прыбыла ў Беларусь, у Нацыянальным аэрапорце Мінск яе сустрэлі прадстаўнікі беларускай ЦВК.
Гэта першы візіт Памфілавай у Беларусь у статусе кіраўнік ЦВК РФ.
Як паведамілі Sputnik у ЦВК Беларусі, сёння ў Мінску стартуе беларуска-расійскі форум "Моладзь і выбары", удзельнікамі якога стануць маладыя людзі з рэгіёнаў Беларусі і Расіі.
Заўтра, 17 лістапада, – асноўны дзень форуму, у ім прымуць удзел кіраўнік ЦВК РФ Памфілава, кіраўнік ЦВК Беларусі Ігар Карпенка, міністр адукацыі Беларусі Ігар Іванец.
Беларуска-расійскі форум "Моладзь і выбары" пройдзе ў Нацыянальнай бібліятэцы Беларусі, у ім прымуць удзел больш за 100 чалавек.
У Мінску таксама будзе падпісана Пагадненне аб супрацоўніцтве паміж Цэнтральнай выбарчай камісіяй Расіі і Цэнтральнай выбарчай камісіяй Рэспублікі Беларусь.
У час візіту ў Мінск кіраўніка ЦВК Расіі Памфілавай будуць абмеркаваны пытанні арганізацыі і правядзення электаральных кампаній, асаблівая ўвага будзе нададзена пытанням павышэння прававой культуры моладзі дзвюх краін.
Найбліжэйшая маштабная электаральная кампанія ў Беларусі пройдзе ў 2024 годзе – упершыню ў краіне адбудзецца Адзіны дзень галасавання ў парламент і мясцовыя саветы, а ў 2025 годзе Беларусь чакаюць прэзідэнцкія выбары.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Пытанне прававой дасведчанасці моладзі вынесена на пасяджэнне ЦВК
Апублікаваны праект закона аб змяненні Выбарчага кодэкса
Выбары ў 2024 годзе не будуць лёгкімі – Лукашэнка