МІНСК, 14 сне – Sputnik. Кіраўнік МЗС Беларусі Сяргей Алейнік правёў першую размову на новай пасадзе са сваім расійскім калегам Сяргеем Лаўровым, паведамілі Sputnik у прэс-службе беларускага знешнепалітычнага ведамства.
Адзначаецца, што Лаўроў "цёпла павіншаваў беларускага калегу з нагоды назначэння на пасаду міністра замежных спраў".
Таксама міністры абмеркавалі шэраг дзелавых пытанняў і пацвердзілі гатоўнасць да далейшага плённага супрацоўніцтва. Кіраўнікі МЗС зрабілі акцэнт на падрыхтоўцы мерапрыемстваў па лініі міністэрстваў замежных спраў дзвюх краін. Нагадаем, найбліжэйшым часам плануецца правесці ў Мінску сумеснае пасяджэнне двух ведамстваў.
Першы дзень на пасадзе
Пасада кіраўніка МЗС Беларусі стала вакантнай пасля раптоўнай смерці ў канцы лістапада Уладзіміра Макея, які ўзначальваў ведамства на працягу 10 гадоў.
У аўторак, 13 снежня, новага міністра замежных спраў прызначыў прэзідэнт Аляксандр Лукашэнка. Ім стаў Сяргей Алейнік, які да гэтага займаў пасаду першага намесніка кіраўніка МЗС рэспублікі.
Дыпламат мае ранг Надзвычайнага і Паўнамоцнага Пасла, валодае англійскай і нямецкай мовамі. Працаваў у Нідэрландах, Швейцарыі, Вялікабрытаніі, Ірландыі. Таксама быў паслом Беларусі ў Ватыкане. Жанаты, мае дваіх сыноў.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Новы кіраўнік МЗС назваў прыярытэты знешняй палітыкі
Лукашэнка прызначыў новага міністра замежных спраў
Макей быў вялікім сябрам Расіі – Рудэнка
Лаўроў заявіў, што большасць краін разумеюць правату Расіі
МЗС Беларусі заклікае весці размову аб дэсакралізацыі канцэпцыі праў чалавека