Другі дзень нефармальнага саміту СНД праходзіць у Санкт-Пецярбургу

МІНСК, 27 сне – Sputnik. Другі дзень нефармальнага саміту СНД праходзіць сёння ў Санкт-Пецярбургу.

Чакаецца, што расійскі прэзідэнт Уладзімір Пуцін прыме лідараў краін на нефармальным сняданку.

Нагадаем, што напярэдадні ў Пецярбург прыбылі прэзідэнты Беларусі Аляксандр Лукашэнка, Азербайджана Ільхам Аліеў, Казахстана Касым-Жамарт Такаеў, Таджыкістана Эмамалі Рахмон, Туркменістана Сердар Бердымухамедаў, Кыргызстана Садыр Жапараў, Узбекістана Шаўкат Мірзіееў і прэм’ер-міністр Арменіі Нікол Пашынян.

Паведамлялася, што Аліеў і Бердымухамедаў у панядзелак увечары ўжо вярнуліся дадому.

Мерапрыемствы першага дня саміту адбыліся ў прэзідэнцкай бібліятэцы імя Б.М. Ельцына.

Кіраўнікі краін сабраліся ў Піцеры, каб падвесці вынікі адыходзячага года і намеціць планы па супрацоўніцтве ў найбольш актуальных сферах на 2023 год.

Прэзідэнт Расіі Уладзімір Пуцін у час адкрыцця саміту адзначыў, што паміж дзяржавамі-удзельніцамі Садружнасці часам узнікаюць рознагалоссі, аднак праблемныя пытанні краіны імкнуцца вырашаць разам.

Раней паведамлялася, што двухдзённы саміт завершыцца 27 снежня – днём некаторыя кіраўнікі дзяржаў плануюць правесці двухбаковыя перагаворы на пляцоўцы мерапрыемства. Трохбаковых кантактаў не плануецца.

У гэтым годзе лідары краін палічылі за лепшае не абменьвацца навагоднімі падарункамі адзін з адным, паведаміў прэс-сакратар расійскага кіраўніка дзяржавы Дзмітрый Пяскоў.

Аднак кожны з лідараў атрымаў на саміце ў Санкт-Пецярбургу ў падарунак да Новага года пярсцёнкі з сімволікай СНД. На гэта звярнуў увагу блізкі да прэс-службы прэзідэнта Беларусі Telegram-канал "Пул Першага". На імянных кольцах выгравіраваны навагоднія віншаванні.