Цёплы студзень: у Еўропе зачыняюцца гарналыжныя курорты, але можна купацца

У васьмі краінах еўрапейскага кантынента ў пачатку года пабіты тэмпературныя рэкорды: у Нідэрландах, Ліхтэнштэйне, Літве, Латвіі, Чэхіі, Даніі, Польшчы і Беларусі.

Рэгіянальныя рэкорды зафіксаваны ў Германіі, Францыі і Украіне. А для многіх гарадоў краін Еўропы зімовы турызм – асноўная крыніца даходу.

Цёпла, праўда, не ва ўсёй Еўропе: у Скандынавіі і Расіі прайшлі снегапады, а сіноптыкі абяцаюць у найбліжэйшыя дні мароз да мінус дваццаці, у тым ліку ў Беларусі.

1 / 15

Гарналыжны схіл сярод зелені ў Шрунсе, Аўстрыя. Як і ў іншых частках Еўропы, у Аўстрыі з канца мінулага года назіраюцца цёплыя тэмпературы.

2 / 15

Людзі катаюцца на лыжах на схіле ў Фільцмасе на поўдзень ад Зальцбурга, Аўстрыя. Рэдкія снегапады і не па сезоне цёплае надвор’е, зялёная трава і вясёлка ствараюць вясновы пейзаж.

3 / 15

Паўдзённае сонца асвятляе атэлі і дамы ва Улашычы, гарналыжным курорце Босніі.

4 / 15

Дзеці гуляюць на ўчастку штучнага снегу ва Улашычы. Звычайна снег тут ляжыць ад 4 да 5 месяцаў.

5 / 15

У высакагорных раёнах снег яшчэ ёсць. На фота: людзі прабіраюцца па заснежаным ландшафце каля вяршыні Хафелекар вышынёй 2 334 м у гарах Нордкетэ ў Інсбруку, Аўстрыя.

6 / 15

Лыжнік спускаецца па штучным гарналыжным схіле сярод зялёных узгоркаў у Шрунсе, Аўстрыя.

Ёсць курорты, дзе адчыненымі для катання пакінулі толькі частку гарналыжных трас.

7 / 15

Спартсмены трэніруюцца на невялікай паласе снегу ў Гарміш-Партэнкірхене, Германія. Большая частка Альпаў выглядае не па-зімоваму.

8 / 15

Дзеці наведваюць заняткі па катанні на лыжах на штучным гарналыжным схіле ў Бергсенхуку, Нідэрланды.

9 / 15

Снежныя пушкі працуюць на звычайна заснежаным у гэты час гарналыжным курорце Пейрагюд, паўднёвы захад Францыі.

10 / 15

Пад’ёмнікі з відам на бясснежныя схілы гарналыжнага курорта Люшон-Супербаньер, паўднёвы захад Францыі.

З-за адсутнасці снегу, дажджу і высокіх тэмператур больш за ўсё церпяць Паўночныя Альпы і Французскія Пірэнеі.

11 / 15

Альпійская вяршыня, якая звычайна пакрыта снегам, бачна над вёскай Накло, Славенія.

12 / 15

У цэнтры Таліна, Эстонія, у першыя дні новага 2023 года выпаў снег, але дзённая тэмпература трымаецца на адзнацы каля 0 градусаў па Цэльсіі.

13 / 15

Эйфелева вежа Парыжа, трэці і апошні паверх якой скрыты за аблокамі. У французскай сталіцы тэмпература паветра ў першыя дні года дасягала 15-17 градусаў па Цэльсіі.

14 / 15

Дзіўна выглядае зімовы дзень у Сан-Себасцьяне, паўночная Іспанія, дзе людзі купаюцца і адпачываюць на пляжы Ла-Конча.

15 / 15

Яшчэ цяплей у Грэцыі: жыхары загараюць на пляжы ў Афінах 2 студзеня 2023 года.

Эколагі лічаць, што хвалі цёплага ці гарачага надвор’я становяцца ўсё больш магутнымі і даўжэйшымі з-за ўплыву чалавека на клімат.

Прафесар кліматалогіі Брусельскага ўніверсітэта Вім Цьеры даў Sky News прагноз, які палохае: "Да канца стагоддзя проста скончыцца катанне на лыжах у Альпах, як мы яго ведаем. У будучыні гэтыя праблемы пагоршацца, таму што снег будзе працягваць раставаць, пакуль клімат цяплее".

>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь

Таксама на Sputnik:

Паляванне за візай: шэнген беларусам даводзіцца чакаць па паўгода

Генеалагічны турызм: што гэта і чаму становіцца мега папулярным

Ляталі і лятаць будзем: гендырэктар аэрапорта Мінск – пра санкцыі і планы