Ваенныя РФ працягваюць наступаць на Данецкім напрамку – Мінабароны

МІНСК, 9 сту – Sputnik. Расійскія вайскоўцы працягваюць наступаць на Данецкім напрамку і наносяць комплекснае агнявое паражэнне праціўніку па ўсім участку лініі баявога судакранання, паведамілі ў Мінабароны РФ у панядзелак.

За мінулыя суткі, паводле даных ведамства, УСУ страцілі забітымі на гэтым напрамку звыш 80 ваеннаслужачых, тры БМП, бронетранспарцёр і чатыры аўто.

У той жа час на Паўднёва-Данецкім напрамку падраздзяленні РФ наносілі агнявое паражэнне па вялікай колькасці ўкраінскай жывой сілы і тэхнікі ў раёне Новаміхайлаўкі ДНР.

На поўнач ад Паўлаўкі і Шаўчэнкі ДНР ліквідаваны дзве ўкраінскія дыверсійна-разведвальныя групы. За суткі ліквідавана больш за 40 ваеннаслужачых УСУ, дзве баявыя бронемашыны і тры пікапы.

Таксама УС РФ у раёнах Новаміхайлаўкі ДНР і Лазавой Харкаўскай вобласці знішчылі тры склады боепрыпасаў і ракетна-артылерыйскага ўзбраення УСУ.

Ваенныя РФ на Купянскім напрамку нанеслі агнявое паражэнне жывой сіле і тэхніцы УСУ ў раёнах Сінькоўкі, Кіслоўкі, Бераставога Харкаўскай вобласці і Навасёлаўскага ЛНР.

Акрамя таго, у раёне Двурэчнай Харкаўскай вобласці ліквідавана дыверсійна-разведвальная група праціўніка. Незваротныя страты ўкраінскіх вайскоўцаў тут перавысілі 50 чалавек, знішчаны дзве БМП і тры аўто.

Ударамі авіяцыі і артылерыі на Чырвона-Ліманскім напрамку нанесена паражэнне падраздзяленням УСУ ў раёнах Стальмахоўкі, Неўскага ЛНР, Серабранкі, Грыгароўкі ДНР і Лазавой Харкаўскай вобласці. Знішчана больш за 60 украінскіх вайскоўцаў, тры баявыя бранірваныя машыны і тры пікапы.

Знішчальнікі РФ збілі ў раёнах Роўнага і Градоўкі ДНР украінскія самалёты Су-25 і МіГ-29, а таксама – верталёт Мі-8 у раёнах Вералюбаўкі.

За мінулыя 24 гадзіны СПА РФ збіла восем беспілотнікаў УСУ і перахапіла дзесяць рэактыўных снарадаў РСЗА "HIMARS" і "Ураган".