МІНСК, 16 сту – Sputnik. У канцы 2022-га перарвалася падзенне інфляцыі ў Беларусі, якое было два месяцы запар, канстатуюць эксперты Еўразійскага банка развіцця (ЕАБР) у свежым аглядзе.
"У снежні спажывецкія цэны выраслі на 0,4% да папярэдняга месяца з устараненнем сезоннасці", - адзначана ў аглядзе ЕАБР.
Банк нагадаў, што ў выніку інфляцыя склала 12,8%. Калі параўнаць з кастрычнікам ці лістападам, дадзены паказчык стаў ніжэйшым.
Падзенне цэн, як лічаць эксперты банка, выклікана новымі правіламі рэгулявання.
У аглядзе сказана, што зараз гадавая інфляцыя ў краіне працягне зніжацца. Адна з прычын – зноў жа кантроль цэн з боку дзяржавы. Іншая – карэкцыйнае ўмацаванне беларускага рубля да расійскага.
"Вясной чакаецца рэзкае паніжэнне гадавой інфляцыі, а летам яе ўзровень можа часова апусціцца ніжэй за 4% (у гадавым выражэнні - Sputnik)", - лічаць спецыялісты ЕАБР.
Да канца 2023 рост цэн зноў можа паскорыцца з-за паслаблення дэзінфляцыйнага ўплыву ўнутранага попыту і коштавага рэгулявання.
Нагадаем, што беларускія ўлады ўвялі жорсткае рэгуляванне цэн у кастрычніку 2022 года. Яго прынцыпы некалькі разоў мяняліся. У выніку з’явіўся спісак з некалькіх соцень тавараў, нацэнкі на якія абмежаваны.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Ваенная форма, алкаголь, машыны: продаж шэрага тавараў на рынках зменіцца
Як стратны "Блакiт" ператварыць у прыбытковы, растлумачыў Галоўчанка
Беларусь упершыню дасягнула станоўчага сальда ў гандлі з РФ – Галоўчанка
Кітай выдзеліць Беларусі чарговы грашовы транш
Папярэднія вынікі 2022 года: экспарт-імпарт знізіўся ў Беларусі