Найбуйнейшы банк Беларусі абмежаваў аперацыі на фоне скама

МІНСК, 26 сту – Sputnik. З 2 лютага найбуйнейшы ў краіне банк – Беларусбанк – уводзіць новыя абмежаванні па пераводах і атрыманні наяўных грошай, паведамляе прэс-служба банка.

Раней Беларусбанк устанавіў ліміты на грашовыя пераводы па картках клуба "Бархат" (да 400 рублёў за суткі) і па астатніх сваіх дэбетавых картах (да 3 тыс рублёў за суткі). Падобныя абмежаванні будуць і пры пераводах паміж карткамі аднаго кліента, а таксама на карткі "любімых" асабістых нумароў. Будуць і ліміты на атрыманне наяўных грошай па кодзе ў банкаматах (перавод "Хуткі").

Мінімальная аднаразовая сума пераводу будзе 10 рублёў, а максімальная – 100. Па адной картке ў суткі можна будзе правесці не больш за дзве аперацыі на суму да 200 рублёў. За 30 дзён па адной картцы дазваляецца 15 пераводаў на суму не больш за 1,5 тыс рублёў. Абмежаванні можна зняць, звярнуўшыся ў банк.

У апошнія два-тры гады ў краіне ўсё больш выпадкаў махлярства з картамі, калі злачынцы тым ці іншым чынам маскіруюцца пад працаўнікоў банка. Гэта робіцца і праз тэлефонныя званкі і іншымі метадамі.

У снежні 2022 года МУС і Следчы камітэт распавялі аб чарговай гучнай справе. Была раскрыта група ашуканцаў, у якой было звыш 1,3 тыс удзельнікаў. Фізічна яны знаходзіліся не толькі ў Беларусі, але і ў Расіі, ва Украіне, у Казахстане, Польшчы і іншых краінах.

У рэспубліцы па справе затрыманы больш за два дзесяткі чалавек. Некаторыя – непаўналетнія. Адзін з іх пачаў сваю дзейнасць у 13 гадоў, распрацоўваючы шкоднасны софт для злачынцаў.