ДНР зацікаўлена ў беларускіх інвестыцыях – Пушылін

МІНСК, 13 сак – Sputnik. У ДНР распрацоўваюць варыянты па прыцягненни інвестыцый, у тым ліку з Беларусі, паведаміў часова выконваючы абавязкі кіраўніка рэспублікі Дзяніс Пушылін.

"Свабодная эканамічная зона, якая прадугледжвае шэраг прэферэнцый і льгот, у плане падаткаабкладання, – гэта ўсё прадугледжваецца", - сказаў Пушылін у эфіры тэлеканала "Беларусь 1".

Паводле яго слоў, улады рэгіёна разглядаюць і дадатковыя варыянты для інвестыцый, а таксама што яны могуць прапанаваць прадстаўнікам бізнесу.

Як адзначыў Пушылін, у ДНР разлічваюць на рэалізацыю вялікіх інвестпраектаў, якія датычацца ў тым ліку і буйных прадпрыемстваў.

Кіраўнік рэспублікі таксама паведаміў, што для ДНР цікава развіццё будаўніцтва, у тым ліку камерцыйнага жылля, а таксама прыцягненне інвестыцый у машынабудаўнічыя прадпрыемствы. Паводле яго слоў, гэтым вытворцам цяпер не хапае абаротных сродкаў. Таксама яны зацікаўлены ў развіцці аграпрамысловага комплексу.

Раней Пушылін заяўляў, што ДНР зацікаўлена развіваць гандлёва-эканамічнае супрацоўніцтва з Беларуссю, у тым ліку – у сферы сельскай гаспадаркі і пастаўках беларускай тэхнікі.

Паводле яго слоў, пэўная беларуская прадукцыя пастаўляецца ўжо, гэтак жа, як і тавары ДНР на рынак Беларусі, але аб’ёмы гэтых паставак пакуль яшчэ не такія, каб поўнасцю задавальняць патрэбнасці двух бакоў.

Часова выконваючы абавязкі кіраўніка ДНР таксама сказаў, што ёсць зацікаўленасць у тэхналогіях і магчымасцях Беларусі і ў сферы, якая датычыцца сельскай гаспадаркі. У прыватнасці, пастаўкі ўдабрэнняў, металургія, вугальная прадукцыя. Таксама рэспубліка мае патрэбу ў беларускай тэхніцы, у тым ліку ў грузавіках МАЗ, трактарах і экскаватарах.