МІНСК, 30 сак – Sputnik. Рашэнне аб прымяненні ядзернай зброі будзе прымацца Беларуссю і Расіяй сумесна, заявіў генеральны сакратар СНД Сяргей Лебедзеў, адказваючы на пытанне карэспандэнта Sputnik Беларусь.
"Ужо вядома, што будзе падвойная кнопка для рашэння аб прымяненні: будуць вырашаць і ў Расіі, і ў Беларусі. Гэта раз. Па-другое, мы вельмі спадзяемся – і пра гэта ўжо таксама было заяўлена – што зброю гэту выкарыстоўваць не давядзецца, гэта прэвентыўная мера", - сказаў Лебедзеў, адказваючы на пытанне Sputnik.
Ён падкрэсліў, што ў СНД, на яго думку, спакойна паставіліся да намеру расійскага боку размясціць тактычную ядзерную зброю ў Беларусі.
"Я прапрацаваў шмат гадоў на Захадзе і дасведчаны, што ў Еўропе размешчана амерыканская тактычная ядзерная зброя, пра гэта і расійскія прадстаўнікі шмат разоў заяўлялі, у прыватнасці прэзідэнт Расійскай Федэрацыі і эксперты. Чамусьці, калі Захад размяшчае каля меж Расійскай Федэрацыі і каля меж Беларусі тактычную ядзерную зброю, гэта лічыцца нармальным. А тое, што ў рамках Саюзнай дзяржавы такая дамоўленасць дасягнута, адразу ўзнялі шуміху", - сказаў Лебедзеў.
Паводле яго слоў, гэта ў чарговы раз сведчыць аб падвойных стандартах, двудушнасці і крывадушнасці заходніх палітыкаў. А рашэнне аб размяшчэнні расійскай тактычнай ядзернай зброі прынята ў мэтах забеспячэння бяспекі Расіі і Беларусі, "таму што мы бачым, якая ваенная актыўнасць каля меж рэспублікі цяпер".
"У той жа Польшчы, якая не саромеецца запрашаць амерыканцаў і размяшчаць свае ўдарныя сілы, у тым ліку былі заклікі размясціць на яе тэрыторыі ядзерную зброю. Таму я лічу, што гэты шуміха, узнятая на Захадзе, неабгрунтаваная і гаворыць яшчэ раз аб падвойных стандартах", - заключыў генеральны сакратар СНД.
Ядзерная зброя ў Беларусі
Нагадаем, прэзідэнт Расіі Уладзімір Пуцін на мінулым тыдні заявіў, што на беларускай тэрыторыі ўзводзіцца сховішча для размяшчэння тактычнай ядзернай зброі, яно будзе гатова да 1 ліпеня 2023 года.
Многія заходнія краіны прыйшлі да высновы, што гэта парушае міжнародныя абавязацельствы і падрывае стратэгічную стабільнасць у рэгіёне. Аднак у Крамлі падкрэслілі, што рэакцыя Захаду ніяк не паўплывае на планы Расіі размясціць тактычную ядзерную зброю ў Беларусі.
На думку ваеннага эксперта Аляксандра Алесіна, краіна застанецца бяз’ядзернай дзяржавай, паколькі юрыдычна Масква не перадае гэтую зброю Мінску. Паводле яго слоў, беларускі бок можа адказваць за ахову аб’екта, пры гэтым расійскія вайскоўцы будуць несці адказнасць за захаванасць боепрыпасаў і падтрыманне неабходных умоў у сховішчы.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Расія далёка наперадзе ЗША па ядзернай зброі – Кавальчук
Трамп заклікаў амерыканцаў маліцца пасля рашэння размясціць ТЯЗ у Беларусі
Пасол РФ адказаў на папрокі ЗША з-за размяшчэння ядзернай зброі ў Беларусі
Кіеў заявіў аб магчымасці адкрыцця другога фронту з Беларуссю
Расія размесціць у Беларусі тактычную ядзерную зброю