МІНСК, 11 кра – Sputnik. ЗША ствараюць кампаненты біялагічнай зброі побач з расійскімі межамі, пра гэта заявіў начальнік войск радыяцыйнай, хімічнай і біялагічнай абароны УС Расіі Ігар Кірылаў.
Паводле яго слоў, была праведзена работа ў амерыканскіх біялагічных аб’ектах, размешчаных у Луганскай і Данецкай народных рэспубліках, а таксама Херсонскай вобласці.
Аналіз дакументацыі і апытанне відавочцаў даказаў, што Вашынгтон, прыкрываючыся забеспячэннем глабальнай біябяспекі, праводзіў даследаванні падвойнага прызначэння, у тым ліку – стварэнне кампанентаў біялагічнай зброі непасрэдна каля расійскіх меж.
Кірылаў паведаміў, што падчас спецаперацыі міністэрства абароны Расіі прааналізавала больш за дзве тысячы розных дакументаў, якія пацвярджаюць рэалізацыю праектаў ваенна-біялагічнага характару на ўкраінскай тэрыторыі.
У выніку былі ўстаноўлены прозвішчы службовых асоб, якія бралі ўдзел у арганізацыі ваенна-біялагічных даследаванняў на тэрыторыі ЗША і Украіны.
"Хацеў бы адзначыць, што ніводны з фактаў, агучаны міністэрствам абароны не быў адкінуты Злучанымі Штатамі, ні ў каго, уключаючы краіны Захаду, не ўзнікла сумненняў у сапраўднасці апублікаваных дакументаў", - заявіў прадстаўнік Мінабароны.
Нядаўна ў Мінабароны таксама паведамілі, што Кіеў працягвае супрацоўніцтва з Пентагонам па небяспечных патагенах, у ліку якіх узбуджальнікі такіх захворванняў, як сібірская язва, натуральная воспа, чума і ліхаманка Эбола. Паводле звестак ведамства, узаемадзеянне датычыцца амаль 50 відаў бактэрый і вірусаў. Яно тлумачыцца нібыта імкненнем зменшыць рызыкі распаўсюджвання інфекцый. Акрамя ўсяго, супрацоўніцтвам прадугледжана і транспарціроўка небяспечных патагенаў.
Біялагічная зброя ва Украіне
Расійскі бок неаднаразова прадстаўляў доказы ваенна-біялагічнай дзейнасці ЗША ва Украіне.
У прыватнасці, амерыканцы займаюцца будаўніцтвам і мадэрнізацыяй лабараторый, а таксама даследаваннем асабліва небяспечных інфекцыйных захворванняў ва Украіне з 2000-х гадоў. На біяпраграмы Вашынгтон выдаткаваў больш за 250 млн долараў.
З 2019 года ва ўкраінскіх лабараторыях праводзілі доследы з ВІЧ на асуджаных, наркаманах і вайскоўцах. У прыватнасці, на вайскоўцах правяралі прэпараты ад мышачнай стомленасці, створаныя на аснове нанатэхналогій. Створаны біяматэрыял вывозіўся ў ЗША і іншыя краіны.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Viber і Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
СБ ААН не прыняў рэзалюцыю РФ аб ваенна-біялагічнай дзейнасці ва Украіне
Шэраг краін заявіў аб пытаннях да ваенна-біялагічнай працы ЗША ва Украіне
Касачоў: схаваць біялабараторыі ЗША ўдалося дзякуючы прабелу ў законе