Работа подразделений морской пехоты на Херсонском направлении - Sputnik Беларусь, 1920
Ваенная спецаперацыя РФ у Данбасе
Прэзідэнт Расіі Уладзімір Пуцін аб’явіў аб правядзенні ваеннай спецаперацыі ў Данбасе. Ён выступіў са зваротам да расіян, у якім паведаміў, што ДНР і ЛНР папрасілі Расію аб дапамозе. Падрабязнасці аб спецаперацыі РФ чытайце ў матэрыялах Sputnik.

СБ ААН не прыняў рэзалюцыю РФ аб ваенна-біялагічнай дзейнасці ва Украіне

© Sputnik / Сергей Гунеев / Перайсці ў медыябанкФлаг каля Штаб-кватэры ААН
Флаг каля Штаб-кватэры ААН - Sputnik Беларусь, 1920, 03.11.2022
Падпісацца на
НовостиTelegram
Раней шэраг краін заявіў, што ёсць пытанні да ваенна-біялагічнай дзейнасці ЗША на тэрыторыі Украіны.
МІНСК, 3 ліс – Sputnik. Савет бяспекі ААН не прыняў праект расійскай рэзалюцыі адносна стварэння камісіі для расследавання ваенна-біялагічнай дзейнасці ва Украіне, пра гэта паведамляе РІА Навіны.
Для прыняцця дакумента неабходна было набраць дзевяць галасоў з 15. За прыняцце рэзалюцыі прагаласавалі Расія і Кітай. Супраць – ЗША, Вялікабрытанія, Францыя. Астатнія краіны ад галасавання ўстрымаліся.
Праект рэзалюцыі ў Савет бяспекі ААН унесла Расія. Згодна з дакументам, у выпадку прыняцця рэзалюцыі павінна была быць сфарміравана камісія ў складзе ўсіх членаў Савета бяспекі. Мэтай яе працы з’яўлялася расследаванне прэтэнзій Расіі да Украіны і ЗША, якія датычыліся "выканання абавязацельстваў па Канвенцыі ў кантэксце дзейнасці біялагічных лабараторый на ўкраінскай тэрыторыі".
Таксама, паводле рэзалюцыі, Савет бяспекі павінен быў прадставіць даклад з рэкамендацыямі да 30 лістапада 2022 года і праінфармаваць аб выніках расследавання краіны-ўдзельніцы КБТА.

Ёсць пытанні

Раней шэраг краін заявіў, што ёсць пытанні да ваенна-біялагічнай дзейнасці ЗША ва Украіне. Намеснік кіраўніка расійскай дэлегацыі на пасяджэнні Першага камітэта ГА ААН Канстанцін Варанцоў паведаміў, што на пытанні па гэтай тэме не было атрымана вычарпальных адказаў, якія канчаткова развеялі б сумненні і ўладзілі сітуацыю.
Раней начальнік войск радыяцыйнай хімічнай і біялагічнай абароны (РХБА) УС РФ генерал-лейтэнант Ігар Кірылаў заяўляў, што на ўкраінскай тэрыторыі функцыянуе сетка з больш за 30 біялагічных лабараторый, якія працуюць у інтарэсах ЗША.
У верасні ў Жэневе прайшла нарада дзяржаў-удзельніц Канвенцыі аб забароне біялагічнай і таксіннай зброі. Па словах Кірылава, амерыканская дэлегацыя падчас тлумачэнняў прызнала свае біядаследаванні ва Украіне.
Па даных Мінабароны, яны праводзіліся на вайскоўцах, малазабяспечаных грамадзянах і пацыентах псіхіятрычных бальніц. Пры гэтым перадача ўзораў патагенных біяматэрыялаў з Украіны ў ЗША "была нячастай".
Біялабараторыі і адпаведныя дакументы былі знішчаны 24 лютага – ў дзень пачатку расійскай ваеннай аперацыі. Пасля ЗША адмаўлялі дачыненне да ўкраінскіх лабараторый.
На нарадзе Расія задала больш за 20 пытанняў амерыканскай і ўкраінскай дэлегацыям – у прыватнасці, наконт матыву знішчэння дакументаў аб рабоце біялагічных лабараторый. Аднак зададзеныя пытанні засталіся без каментарыяў.
Нагадаем, што ў сакавіку гэтага года стала вядома аб выяўленні ва Украіне біялабараторый, якія размяшчаліся недалёка ад расійскай мяжы. У іх захоўваліся асабліва небяспечныя патагены ўзбуджальнікаў чумы, сібірскай язвы, халеры, тулярэміі і іншых смяротных хвароб.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Шэраг краін заявіў аб пытаннях да ваенна-біялагічнай працы ЗША ва Украіне
Касачоў: схаваць біялабараторыі ЗША ўдалося дзякуючы прабелу ў законе
У працы ўкраінскіх біялабараторый удзельнічалі не толькі ЗША – Мінабароны РФ
Анішчанка аб біялабараторыях ЗША на Украіне: яны ўжо рыхтуюць атаку
Дзярждэп сцвярджае, што ў ЗША няма лабараторый на Украіне
Стужка навiн
0