МІНСК, 20 кра – Sputnik. Шэраг буйных моўных мадэлей штучнага інтэлекту, прадстаўленых на англійскай мове, выкарыстоўваюць у працы даныя RT і Sputnik. Пра гэта паведамляе газета Washington Post.
Газета спасылаецца на базу для навучання штучнага інтэлекту, якая ўключае ў сябе каля 15 мільёнаў розных сайтаў. Аўтарамі базы сталі даследчыкі аднаго з інстытутаў вывучэння штучнага інтэлекту ў ЗША.
Па выніках аналізу выданне адзначыла, што мадэлі штучнага інтэлекту выкарыстоўваюць у навучанні расійскія сайты навін RT і Sputnik. Яшчэ адзін рускамоўны партал, уключаны ў базу, – папулярны ў Расіі сайт-даведнік "КакПросто".
У спіску фігуруюць і замежныя СМІ, у прыватнасці, амерыканскія New York Times, CNN і Fox, брытанскія Guardian і Telegraph, індыйская Indian Express і ізраільскае Haaretz. Ёсць у базе і спасылкі на ўрадавыя рэсурсы, напрыклад, урад Вялікабрытаніі і дзярждэпартамент ЗША.
Прысутнічаюць таксама сайты, якія маюць спрэчную рэпутацыю ў медыяасяроддзі. Так, напрыклад, у спісак уключана не менш за 27 сайтаў, вызначаных Вашынгтонам як рынкі падробак і пірацкай прадукцыі, а таксама вэбсайты, карыстальнікі якіх незадоўга да штурму Капітолія ў ЗША публікавалі антыўрадавыя тэзісы.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
Пуцін даручыў арганізаваць пераход дзяржорганаў на штучны інтэлект
Лукашэнка прапанаваў айцішнікам шукаць інвестараў у Азіі
Прэм’ер Беларусі расказаў, для чаго выкарыстоўваў нейрасетку