МІНСК, 29 кра – Sputnik. Намеснік старшыні Савета бяспекі РФ Дзмітрый Мядзведзеў заявіў, што не бачыць сэнсу ў падтрымцы дыпламатычных адносін паміж Расіяй і Польшчай, пакуль ва ўладзе знаходзяцца русафобы. Такім меркаваннем палітык падзяліўся на сваёй старонцы ў сацыяльнай сетцы Twitter.
"Я не бачу сэнсу ў працягу дыпламатычных адносін з Польшчай. Гэта дзяржава не павінна існаваць для нас, пакуль там ва ўладзе няма нікога, акрамя русафобаў, і Украіна поўная польскіх наёмнікаў, якіх трэба бязлітасна знішчаць, як смярдзючых пацукоў", - напісаў Мядзведзеў на англійскай мове.
Намеснік старшыні таксама прадубліраваў напісанае на польскай мове. Сама публікацыя была зроблена на фоне падзей, якія зараз разгортваюцца ў Польшчы.
Што здарылася ў Варшаве
Нагадаем, што сёння раніцай да будынка школы пры пасольстве Расіі, які знаходзіцца ў Варшаве, прыбылі прадстаўнікі варшаўскай мэрыі ў суправаджэнні паліцэйскіх. Туды прыехалі і прадстаўнікі пасольства РФ.
Супрацоўнікі мэрыі запатрабавалі адчыніць вароты школы, але саветнік-пасланнік пасольства Андрэй Ордаш заявіў, што рашэнне аб адабранні расійскі бок лічыць незаконным і папярэдзіў аб кроках у адказ з боку Расіі.
Потым прадстаўнік польскіх улад зламаў веснічкі каля брамы школы, і паліцэйскія ўварваліся ў будынак. Ланцугом з замком яны зачынілі веснічкі, каб не даць вывезці са школы маёмасць.
Як паведаміў Ордаш, польскія ўлады далі супрацоўнікам школы час да 19:00, каб пакінуць будынак.
Масква заявіць пратэст Варшаве з-за захопу школы пры пасольстве Расіі, сваімі дзеяннямі польскія ўлады парушылі Венскую канвенцыю. Пра гэта заявіў пасол Расіі ў Польшчы Сяргей Андрэеў, дадаўшы, што з расійскага боку будзе неадкладная рэакцыя на дзеянні польскага боку.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
Польскія паліцэйскія ўварваліся ў будынак школы пры пасольстве Расіі
РФ улічвае спробы стварыць кантынгент Польшчы на мяжы з Беларуссю
НАТА выступае адзіным блокам як вораг Расіі – Пяскоў