МІНСК, 30 кра – Sputnik. Сярэдняя заработная плата ў Беларусі за сакавік вырасла больш як на 120 рублёў, сведчаць звесткі Нацыянальнага статыстычнага камітэта рэспублікі.
У лютым намінальная налічаная зарплата (гэта значыць да выліку падаткаў) склала 1 687,8 руб.
У сакавіку, паводле звестак Белстата, яна склала ўжо 1 814,2 руб. Такім чынам, за месяц сярэдні заробак павялічыўся на 126 руб.
У снежні 2022 года гэты паказчык па рэспубліцы складаў 1 915,6 руб – такое рэзкае павышэнне магло тлумачыцца тым, што прадпрыемствы і арганізацыі выплацілі сваім супрацоўнікам гадавыя прэміі.
Калі перавесці сярэдні сакавіцкі заробак беларусаў у долары, то ён эквівалентны больш чым $700 (па бягучым курсе), тады як у лютым ён знаходзіўся ў раёне 600 долараў.
Дзе і колькі атрымлівалі
Традыцыйна самая высокая сярэдняя заработная плата – у беларускай сталіцы (2 512,4 руб).
За ёй ідзе Мінская вобласць (1 830,8), на трэцім месцы – Гомельская (1 633,4). Потым ідуць Гродзенская вобласць (1 609,8), Брэсцкая (1 575,7), Віцебская (1 502,4) і Магілёўская (1 478,1).
У лідарах па памеры заробкаў – людзі, якія займаюцца IT (больш за 5,4 тысячы ў месяц), самыя нізкія заробкі – у сферы адукацыі (1 240 рублёў).
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
Гадавая інфляцыя ў Беларусі запаволілася да 6%
ЗВР Беларусі выраслі за месяц на 4,2%
Цэны ў Беларусі за год выраслі на 11,7%