МІНСК, 9 мая – Sputnik. Асаблівае штогадовае памінанне загінулых падчас Вялікай Айчыннай вайны праходзіць у манастырах і храмах Беларускай праваслаўнай царквы сёння, 9 мая, паведаміла прэс-служба Беларускага экзархата.
Там адзначылі, што такая традыцыя – чытаць памінальныя малітвы 9 мая ў храмах працягваецца ўжо шмат гадоў, у БПЦ існуюць на гэты выпадак спецыяльныя малітвы.
"За богаслужэннямі ўзносяцца асаблівыя прашэнні аб супакоі душ незабыўных воінаў, за веру, Айчыну і народ, якія жыццё сваё паклалі, ад ран і глада спачылых, у палон і горкіх работах нявінна закатаваных і забітых, у блакаду памерлых і ўсіх Перамогі дзеля папрацаваўшых", - расказалі Sputnik у аўторак у беларускім экзархаце.
Там адзначылі, што ў гады ВАВ праваслаўная царква раздзяліла з народам усе выпрабаванні. У тыя гады праваслаўныя свяшчэннікі ўзносілі малебны аб дараванні перамогі, у храмах чыталася спецыяльная малітва "Аб падаванні сілы неаслабнай, непераборнай і пераможнай, крэпасці жа і мужнасці з адвагай воінству нашаму на скруху ворагаў і супастатаў нашых".
У гады ВАВ многія праваслаўныя свяшчэннікі пайшлі на фронт, царква збірала сродкі на патрэбы арміі.
У Беларускім экзархаце таксама нагадалі, што папярэдняя капітуляцыя Германіі прыпала на 6 мая 1945 года – Светлае Хрыстова Уваскрэсенне і дзень памяці святога велікамучаніка Георгія Перамаганосца.
Беларускі Экзархат сёння апублікаваў на афіцыйным сайце БПЦ зварот на Дзень Перамогі мітрапаліта Філарэта 10-гадовай даўніны. Тады, у 2013 годзе, прадстаяцель Беларускай праваслаўнай царквы мітрапаліт Філарэт заклікаў беларусаў памятаць пра тую ахвяру, якую народ прынёс для збавення ад захопнікаў.
Свой праніклівы і шмат у чым прароцкі зварот да беларусаў мітрапаліт Філарэт прамаўляе каля іконы Георгія Перамаганосца. "Перамога, калі Бог даруе літасць, не на тым баку, дзе сіла, а на тым – дзе праўда", - сказаў мітрапаліт Філарэт у сваім звароце на Дзень Перамогі ў 2013 годзе.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Таксама на Sputnik:
Пранізлівая гісторыя пра вайну і канцлагеры і кранальны вальс Перамогі – відэа
Урон ад нямецкай акупацыі БССР: хто і як ацаніў
Аркестр каля дома: як віншуюць ветэранаў у Беларусі