РФ абдумвае стварэнне ў Беларусі пляцовак для рамонту сваіх самалётаў

МІНСК, 17 мая – Sputnik. У планах Расіі – актывізаваць узаемадзеянне з вытворцамі авіятэхнікі Беларусі, заявілі ў Аб’яднанай авіябудаўнічай карпарацыі (ААК, уваходзіць у дзяржкарпарацыю "Ростех").

Там падкрэслілі, што ААК рэалізуе праграму імпартазамяшчэння і нарошчвання тэмпаў вытворчасці, развіццё супрацоўніцтва з беларускімі прадпрыемствамі сёння мае для карпарацыі вялікае значэнне.

У прыватнасці, у планах кампаніі – павялічыць аб’ёмы паставак дэталей у рэспубліку.

Акрамя таго, сказана там, зараз прапрацоўваецца магчымасць стварэння пляцовак на тэрыторыі Беларусі, дзе будзе ажыццяўляцца рамонт і сэрвіснае абслугоўванне расійскай авіятэхнікі, якая пастаўляецца ў рэспубліку.

У рэлізе звяртаецца ўвага на тое, што развіццю супрацоўніцтва ў авіябудаванні вялікую ўвагу ўдзяляе кіраўніцтва дзвюх краін. Так, ужо прыняты міжурадавы план, дарожная карта па актывізацыі супрацоўніцтва.

Сёння ў Мінску адкрылася Міжнародная выстава ўзбраення і ваеннай тэхнікі "MILEX-2023", на якой прадстаўлена і экспазіцыя ААК. Кампанія ўпершыню прымае ўдзел у форуме – у мультымедыйным фармаце яна прадставіла шырокі спектр авіятэхнікі вытворчасці сваіх прадпрыемстваў, у тым ліку і імпартазамешчаныя версіі МС-21 і Superjet.

На выставе запланавана насычаная дзелавая праграма. Яе мэта – пашырыць вытворчую кааперацыю з авіяцыйнымі прадпрыемствамі Беларусі. Разам з дэлегацыяй карпаратыўнага цэнтра выставу наведаюць дэлегацыі ПАТ "Туполев" і ПАТ "Ил", якія ўваходзяць у ААК.