ГОМЕЛЬ, 26 мая – Sputnik. У Беларусі хутка будзе прыняты закон аб народным апалчэнні, сказаў міністр абароны Віктар Хрэнін на зборы "Ваенная бяспека і абарона Рэспублікі Беларусь", перадае карэспандэнт Sputnik.
Паводле яго слоў, абарона Беларусі павінна мець усенародны характар.
"Мы можам гэта зрабіць пры дапамозе тэрытарыяльнай абароны", – лічыць кіраўнік абароннага ведамства.
Хрэнін звярнуў увагу, што ўжо практычна поўнасцю адпрацаваны ўвесь цыкл падрыхтоўкі закона аб народным апалчэнні. У некаторых сельскіх саветах праведзены эксперыменты.
"Мы бачым, што гэта дае станоўчы вынік: людзі ахвотна адгукаюцца і гатовы ўдзельнічаць у абароне нашай радзімы", – упэўнены міністр.
Паводле яго слоў, на сёлетнім – ужо дзевятым – зборы былі падведзены кароткія вынікі дзейнасці тэрытарыяльнай абароны за мінулы год. Таксама вызначаны новыя шляхі развіцця тэрытарыяльнай абароны.
Пры гэтым кіраўнік ведамства асабліва адзначыў, што на зборы будзе адпрацавана такое новае пытанне, як абарона населенага пункта з апорай на ўмацаваны раён.
"Усё, што мы робім, мы робім толькі дзеля аднаго, каб нашы людзі былі ўпэўнены ў будучыні: спакойна маглі гадаваць дзяцей, жыць на мірнай зямлі", – рэзюмаваў Хрэнін.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
Панацэі ад украінскага крызісу няма – спецпрадстаўнік КНР
Валодзін растлумачыў, калі Украіна сядзе за стол перагавораў
Мінск і Масква выступаюць за вяртанне Украіне нейтральнага статусу