МІНСК, 27 мая – Sputnik. Мінтранс Беларусі ў чарговы раз мяняе тарыфы за праезд па платных дарогах, вынікае з афіцыйна апублікаванай пастановы ведамства.
"Гэтая пастанова ўступае ў сілу з 1 чэрвеня 2023 года", - гаворыцца ў дакуменце.
Тарыфы па-ранейшаму прывязаны да еўра. Для аўтамабіляў з дапушчальнай агульнай масай больш за 3,5 т цэны мяняюцца наступным чынам:
з 0,09 еўра да 0,101 еўра за 1 км для двухвосевых;
з 0,115 еўра да 0,126 еўра для трохвосевых;
з 0,145 еўра да 0,152 еўра для аўто з чатырма і больш восямі.
Зменяць і тарыфы на "электронныя віньеткі". 15 дзён абыдуцца ў 18 еўра (было 14); 30 дзён – у 28 еўра (старая сума – 22), адзін год – 96 еўра (75).
З дадатку да пастановы Мінтранса таксама прымаюць тарыф для катэгорыі з дапушчальнай агульнай масай да 3,5 т. Па старой "сетцы" адзін кіламетр для гэтых аўто каштуе 0,04 еўра, а зараз цана не пазначана. Прычына простая. Для такіх машын з пачатку года засталіся толькі "віньеткі", гэта значыць своеасаблівыя абанементы, тарыфы на якія пазначаны вышэй.
Хто не плаціць
Бясплатнага праезду адназначна няма амаль для ўсіх транспартных сродкаў масай больш за 3,5 т. Ёсць некаторыя выключэнні: аўто на транзітных нумарах, трактары і камбайны і гэтак далей.
Не трэба плаціць за праезд легкавушкі, якая зарэгістравана ў Беларусі і іншых краінах ЕАЭС. Таксама сярод "бясплатнікаў" усе мапеды і матацыклы незалежна ад таго, у якой краіне яны стаяць на ўліку.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
Дазвол на праезд машын замежных дзяржаў па Беларусі будзе платным
Аслепленыя сонцам: ДАІ папярэдзіла вадзіцеляў аб небяспецы вясны
Літва не будзе выконваць бесперабойны пропуск машын на мяжы з Беларуссю