МІНСК, 30 мая – Sputnik. Мікалай Аўсянка вызвалены ад пасады Надзвычайнага і Паўнамоцнага Пасла Беларусі ў Калумбіі і па сумяшчальніцтве ў Панаме і Эквадоры, паведамілі ў прэс-службе кіраўніка дзяржавы.
Адпаведны ўказ Аляксандр Лукашэнка падпісаў у аўторак, 30 мая.
Нагадаем, рашэнне аб адкрыцці пасольства ў Калумбіі было прынята ў 2019 годзе, афіцыйна дыппрадстаўніцтва адкрылася ў кастрычніку 2021 года.
На адкрыцці дыппрадстаўніцтва намеснік кіраўніка міністэрства замежных спраў Беларусі Яўген Шастакоў адзначыў, што Калумбія – адзін з самых перспектыўных партнёраў Беларусі ў Лацінскай Амерыцы. Паводле яго слоў, рэспубліка зацікаўлена ў выбудоўванні сістэмы абмену вопытам у розных сферах, у тым ліку культурнай.
Бакі тады падпісалі мемарандум аб узаемаразуменні паміж міністэрствамі культуры, а Калумбіі было прапанавана стаць пастаянным удзельнікам "Славянскага базару ў Віцебску".
Мікалай Аўсянка стаў першым кіраўніком дыппрадстаўніцтва, акрамя таго ён па сумяшчальніцтве прадстаўляў Беларусь у Эквадоры і Панаме.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
Новы мэр прызначаны ў Гродне – гэта былы міністр ЖКГ
Лукашэнка прызначыў новага кіраўніка Дзяржпагранкамітэта – што пра яго вядома
Пасада міністра стала вакантнай: Лукашэнка правёў кадравы дзень