Эксперт растлумачыў, якія дроны небяспечна выкарыстоўваць у рабоце журналістаў

МІНСК, 14 чэр – Sputnik. Вялікія дроны верталётнага тыпу небяспечны ў рабоце журналіста, паколькі магутныя вінты нясуць пагрозу навакольным, паведаміў спецыяліст дырэкцыі інфармацыйных тэхналогій медыягрупы "Россия сегодня" Ігар Мазунін у мультымедыйным прэс-цэнтры Sputnik Беларусь.

Мазунін не адзін год займаецца канструяваннем беспілотных лятальных апаратаў для аэрафота- і відэаздымак. Ён паспяхова прымяняў свае мадэлі для стварэння рэпартажаў навін.

Эксперт удакладніў, што да дрона можна аднесці ўсё, што заўгодна – гэта і рабатызаваная радыёкіраваная лодка, і машынка, і самалёт, і верталёт.

"Усё гэта дроны. Што да беспілотных лятальных апаратаў, то яны дзеляцца на тыпы па прынцыпе палёту", - сказаў Мазунін.

Размова ідзе аб мадэлях з цвёрдым крылом (БПЛА самалётнага тыпу), з гнуткім крылом, з крылом, якое верціцца (верталётнага тыпу), гібрыды, арнітоптары (з крылом, якое махае), аэрастатычныя.

Асобна Мазунін спыніўся на дронах верталётнага тыпу – і прызнаўся, што хацеў сабраць падобны беспілотнік.

SputnikPro – міжнародны асветніцкі праект у галіне медыя, ініцыяваны агенцтвам Sputnik. Гэта сістэма ўнікальных семінараў, лекцый і майстар-класаў лепшых расійскіх і замежных медыяменеджараў, экспертаў і вядучых спецыялістаў агенцтва для журналістаў, прэс-сакратароў, блогераў і студэнтаў старэйшых курсаў профільных аддзяленняў ВНУ.

Навучальныя модулі SputnikPro у вочным фармаце прайшлі ўжо ў 24 краінах: ад Арменіі да Індыі, ад Грэцыі да Кітая. Усяго з сакавіка 2018 года ў праекце прынялі ўдзел больш за шэсць тысяч чалавек з 80 краін.