МІНСК, 26 чэр – Sputnik. Спробы дэстабілізаваць сітуацыю ўнутры Беларусі не спыняюцца, заявіў старшыня КДБ Іван Церцель у эфіры "Беларусь 1".
Паводле яго слоў, падобнай дзейнасцю займаюцца замежныя цэнтры, якія вядуць яе пры непасрэднай падтрымцы куратараў са складу замежных спецслужбаў.
Пры гэтым намеснік начальніка следчага ўпраўлення КДБ Канстанцін Бычак звярнуў увагу, што падрыхтоўка баевікоў ідзе ў размяшчэннях спецпадраздзяленняў і вайсковых часцей.
"У Польшчы гэта "Гром", у Літве – гэта "Саюз стралкоў Літвы", ва Украіне – гэта СБУ і падраздзяленні ваеннай разведкі Украіны", - удакладніў ён.
Намеснік начальніка следчага ўпраўлення распавёў, што падрыхтаваныя баевікі практыкуюцца ў баях на ўкраінскай тэрыторыі пасля чаго самі становяцца інструктарамі.
"Рыхтуюць тэрарыстычныя акты, распрацоўваюць планы ўзброенага ўварвання на тэрыторыю Рэспублікі Беларусь, у тым ліку і пры падтрымцы рэгулярных войск названых краін", - адзначыў Бычак.
Пасля чаго запэўніў, што ў КДБ ведаюць усе, хто да гэтага датычны, уключаючы супрацоўнікаў спецслужбаў і фонды, якія фінансуюць тэрарыстычную дзейнасць.
У завяршэнне ён асабліва адзначыў, што ў КДБ гатовы да такіх выклікаў і маюць "дастатковыя магчымасці для своечасовай нейтралізацыі гэтай пагрозы".
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
Пяскоў: Мінск і Масква гатовы супрацьстаяць спробам дэстабілізацыі
Варшава рыхтуе баевікоў для спробы перавароту ў Беларусі – брытанскія СМІ
ЗША рыхтуюць баевікоў для тэрактаў у Расіі і СНД – СЗР