МІНСК, 4 ліп – Sputnik. Прэзідэнт Беларусі Аляксандр Лукашэнка павіншаваў ЗША з Днём Незалежнасці, паведамляе прэс-служба кіраўніка дзяржавы.
Віншаванне Злучаным Штатам ён адрасаваў ад імя беларускага народа і сябе асабіста.
"Кожны год да слоў, якія традыцыйна гучаць з нагоды нацыянальных свят, мы, беларусы, дадаем народам усяго свету сардэчныя і добрыя пажаданні мірнага неба", - гаворыцца ў тэлеграме.
Паводле слоў беларускага лідара, сённяшні пакуль яшчэ лакальны канфлікт у Еўропе ўжо заўтра можа перарасці ў сапраўдную сусветную катастрофу, якая закране ўсе кантыненты.
"Таму напярэдадні электаральнай кампаніі ў ЗША галоўным крытэрыем даверу выбаршчыкаў, на наш погляд, павінны стаць толькі здольныя і адказныя палітыкі", - канстатаваў Лукашэнка.
Пасля чаго дадаў: людзі, для якіх галоўнай каштоўнасцю з’яўляюцца жыцці іх дзяцей, родных і блізкіх, а не матэрыяльнае багацце, павінны зрабіць усё магчымае, "каб адвесці наш агульны дом ад катастрофы".
Прэзідэнт Беларусі пажадаў амерыканцам міру, грамадзянскай згоды і правільнага, самастойнага выбару, ад якога залежыць будучыня іх краіны.
Выбары-2024 у ЗША
Нагадаем, выбары прэзідэнта ЗША запланаваны на лістапад 2024 года. Раней за ўсіх – у лістападзе 2022-га – аб уступленні ў барацьбу за пасаду кіраўніка дзяржавы заявіў экс-прэзідэнт Дональд Трамп.
Дзеючы прэзідэнт Джо Байдэн вясной гэтага года таксама паведаміў, што ўключыцца ў перадвыбарную гонку.
Байдэну ў выпадку перавыбрання будзе 82, а Трампу ў выпадку перамогі – 78 гадоў.
Не так даўно аб будучых выбарах у ЗША выказаўся Аляксандр Лукашэнка. На яго думку, электаральныя кампаніі там праводзяцца жахліва.
"Вы ведаеце, як праводзяцца выбары ў ЗША. Гэта жах! Наша "дыктатура" святая ў параўнанні з іх "дэмакратычнымі" выбарамі", - адзначаў ён.
Пасля Лукашэнка заявіў, што надыходзячыя выбары ў Беларусі пройдуць сумленна, а не як у ЗША.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
Заходнія палітыкі кладуць галаву Еўропы на ядзерную гільяціну – Лукашэнка
Польшча хоча размясціць у сябе амерыканскую ядзерную зброю
Пентагон назваў суму амерыканскай ваеннай дапамогі Украіне