МІНСК, 24 жні – Sputnik. Беларусь у гэытм годзе можа стаць трэцім па велічыні гандлёвым партнёрам Расіі, паведаміў гандлёвы прадстаўнік РФ у Беларусі Юрый Залатароў.
Ён нагадаў, што па выніках мінулага года доля Расіі ў агульным тавараабароце Беларусі павялічылася з 50% да 60%.
"Беларусь, нягледзячы на сціплыя геаграфічныя памеры і колькасць насельніцтва ў адносінах да Расіі, таксама ўваходзіць у топ-5 асноўных гандлёвых партнёраў для расійскага боку. Можна з большай доляй упэўненасці сказаць, што ў 2023 годзе Беларусь увойдзе ў топ-3 гандлёвых партнёраў Расіі. Мы для гэтага ўсё робім", - сказаў гандлёвы прадстаўнік у эфіры тэлеканала "Беларусь 1".
Беларусь заняла другі радок сярод расійскіх экспарцёраў.
"Упершыню па выніках 2022 года мы назіраем адмоўнае сальда для Расіі ў гандлі з Беларуссю. Цяпер у дастатковай ступені лічбы збалансаваны як па экспарце, так і па імпарце", - дадаў ён.
У першым паўгоддзі гэтага года ў дзесяткі, а то і ў сотні разоў павялічыліся пастаўкі з Расіі на беларускі рынак такіх таварных пазіцый, як медзь, пуцявое абсталяванне для рамонту і тэхабслугоўвання чыгуначных пуцей, складаныя эфіры, ткацкія станкі.
"Беларускія партнёры таксама нарасцілі пастаўкі ў сотні разоў. Гэта волава неапрацаванае, кіслата саляная, магнезіт, турбіны на вадзяной пары, мікраскопы і гэтак далей", - праінфармаваў Залатароў.
Прагноз па тавараабароце
Раней беларускі пасол у Расіі Дзмітрый Крутой паведаміў, што ў 2023 годзе тавараабарот паміж Беларуссю і Расіяй павінен павялічыцца на 6,5%.
Па выніках студзеня-красавіка 2023 года аб’ём узаемнага гандлю Расіі і Беларусі вырас на 11% у параўнанні з аналагічным перыядам 2022 года і склаў больш як 1 трыльён расійскіх рублёў. Такія паказчыкі назваў расійскі прэм’ер-міністр Міхаіл Мішусцін.
Нагадаем, што за ўвесь мінулы год тавараабарот паміж краінамі перавысіў 3 трлн расійскіх рублёў або 111 млрд у беларускай валюце.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
Мінск і Масква поўнасцю выканалі 10 саюзных праграм – Мінэканомікі
Рост беларускага экспарту адбываецца за кошт рынку Расіі – Снапкоў
Беларусь і Расія запусцяць сумесную праграму па выпуску станкоў