МІНСК, 29 жні – Sputnik. У кабінетах замежных моў у школах Беларусі больш не будзе дамінаваць брытанскі сцяг, заявіў намеснік кіраўніка Мінадукацыі Аляксандр Кадлубай.
Паводле інфармацыі намесніка міністра, гэтым летам установы адукацыі краіны маніторыла спецыяльная ведамасная група, на асаблівым кантролі былі кабінеты гісторыі, геаграфіі і замежных моў.
"На 2 865 устаноў, якія сёння функцыянаваць пачынаюць, наконт гісторыі, геаграфіі, наконт гэтых кабінетаў (замежных моў – Sputnik), ім была нададзена пільная ўвага. І скажу так, адзінкі на 2 865, так, паказвалася пра тое, што недзе па-старому дамінуе брытанскі сцяг над беларускім у кабінеце замежнай мовы", - паведаміў ён у эфіры тэлеканала СТБ.
Таксама прысутнічалі выявы брытанскіх двух’ярусных аўтобусаў і тэлефонных будак, а таксама "апусканне ў асяроддзе і ўсё астатняе". Аднак, як запэўніў намеснік міністра, "гэта ўсё выпраўляецца".
Паводле яго інфармацыі, міністэрства разам з выкладчыкамі вызначылі, што больш вучняў не будуць апускаць у культуру і гісторыю носьбітаў мовы, а будуць вучыць культуры і гісторыі Беларусі на замежнай мове.
"У гэтым няма нічога дрэннага, наадварот, карысна", - лічыць намеснік кіраўніка профільнага ведамства.
Што да настаўнікаў гісторыі і геаграфіі, то, паводле слоў намесніка міністра, за імі вядзецца строгі кантроль.
"А што тычыцца, паўтаруся, кабінетаў гісторыі, кабінетаў геаграфіі, якія непасрэдна маюць уплыў на розумы нашых дзяцей і педагогаў, якія выкладаюць гэтыя прадметы, я хачу вас запэўніць, што ў нас у гэтым пытанні дастаткова шчыльны кантроль, усё будзе на правільным узроўні з пункту гледжання падручніка, з пункту гледжання выкладання матэрыялу", - папярэдзіў Кадлубай.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
Зарплаты настаўнікаў і выкладчыкаў вырастуць з 1 верасня
Галоўчанка назваў галоўныя праблемы ў школах
Лукашэнка запатрабаваў вырашыць пытанне з перапоўненасцю школ