МІНСК, 9 вер – Sputnik. Моцны землятрус адбыўся ў Марока, паведаміў Еўрапейска-Міжземнаморскі сейсмалагічны цэнтр (EMSC).
Падземныя штуршкі былі зафіксаваны ў 22:10 па часе UTC (01:10 па мінскім) за 80 кіламетраў на паўднёвым захадзе ад горада Маракеш.
Паводле інфармацыі спецыялістаў, ачаг землятрусу залягаў на глыбіні 10 кіламетраў. Пасля ноччу былі зафіксаваны па меншай меры чатыры афтэршокі.
Паводле папярэдніх звестак, колькасць загінулых у выніку землятрусу перавысіла 600 чалавек, яшчэ больш за 320 атрымалі раненні.
Шэраг краін ужо выказаў гатоўнасць аказаць дапамогу Марока ў сувязі са стыхійным бедствам. Так, Кіраўнік Еўрасавета Шарль Мішэль заявіў, што ЕС гатоў падтрымаць краіну пасля здарэння. Акрамя таго, Індыя таксама прапанавала сваю дапамогу краіне, а прэм’ер краіны перад адкрыццём форуму G20 заклікаў дапамагчы Марока ў ліквідацыі наступстваў землятрусу.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
Колькасць загінулых пры землятрусах у Турцыі перавысіла 50 тысяч чалавек
Беларусь накіравала гуманітарную дапамогу ў Прыморскі край
Таўшчыня да 20 см: попелапад пасля вывяржэння вулкана на Камчатцы