МІНСК, 17 вер – Sputnik. Любы неасцярожны рух можа сёння прывесці да цяжкіх і непапраўных наступстваў для міру, заявіў прэзідэнт Беларусі Аляксандр Лукашэнка на патрыятычным форуме "Мы – беларусы!", які прымеркаваны да Дня народнага адзінства.
"Мы не малюем планы ўмяшання ў ваша жыццё (народаў Літвы, Латвіі і Польшчы - Sputnik). Мы жадаем вам толькі дабра, шчасця і міру", - запэўніў Лукашэнка.
Беларускі прэзідэнт падкрэсліў, што не хацелася, каб землі Беларусі сталі тэатрам ваенных дзеянняў. У выпадку агрэсіі супраць рэспублікі, у краіны "ёсць чым адказаць".
"Таму давайце жыць дружна, па-суседску, як гэта было ў лепшыя часы нашай гісторыі", - звярнуўся кіраўнік дзяржавы да суседзяў.
Вайны ў Беларусі не будзе
Лукашэнка таксама зрабіў акцэнт на тым, што беларусы самы міралюбівы народ.
"Мы не агрэсары. Наш народ па сутнасці не можа быць агрэсарам. Мы нікому не пагражаем і ніколі не будзем пагражаць. Гэта не наша палітыка… Ні атамнай зброяй, ні падраздзяленнямі "Вагнера" і гэтак далей мы не размахваем", - заявіў кіраўнік дзяржавы.
У той жа час, звярнуў увагу прэзідэнт, беларусы павінны сябе бараніць. Ён нагадаў, што ў час Вялікай Айчыннай вайны рэспубліка страціла кожнага трэцяга жыхара.
"Тады бестурботнасць і самазаспакоенасць адыгралі не апошнюю ролю ў тым, што мы ледзь не страцілі Беларусь", - сказаў беларускі прэзідэнт.
На яго думку, ніякай вайны ў сучасных умовах у Беларусі не будзе, таму што гэта немагчыма.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Таксама на Sputnik:
Лукашэнка: суверэнная Беларусь стваралася на абломках СССР
Грызлоў пра Дзень народнага адзінства: гэта сімвал аднаўлення справядлівасці
Беларускія дыпламаты правялі флэшмоб да Дня народнага адзінства