МІНСК, 18 вер – Sputnik. Адкрыццё фестывалю мастацтваў беларусаў свету і гала-канцэрт адбудуцца 21 верасня ў Мінскім гарадскім Доме культуры ў 18:00, паведаміў журналістам у панядзелак намеснік начальніка ўпраўлення культуры і народнай творчасці Міністэрства культуры Беларусі Дзмітрый Слясарчык.
"Асноўная ідэя канцэрта – беларускія ручнікі як "шляхі да дому". Упэўнен, што будзе вельмі цікава", - адзначыў Дзмітрый Слясарчык.
Фестываль пройдзе з 19 да 24 верасня. Па словах арганізатараў, праграма вельмі шырокая і прадугледжвае наведванне памятных мясцін Беларусі, правядзенне майстар-класаў і канцэртаў не толькі ў Мінску, але і ў рэгіёнах.
"Галоўныя мэты фестывалю – прэзентацыя дасягненняў нашай краіны і падтрымка творчых праектаў беларусаў, якія жывуць за мяжой", - адзначыў Слясарчык.
Сёлета на культурны форум прыехалі беларусы з ЗША, Арменіі, Італіі, Іспаніі, Казахстана, Эстоніі, Латвіі, Літвы і многіх рэгіёнаў Расіі: Башкортастана, Карэліі, Крыма, Кабардзіна-Балкарскай Рэспублікі і Рэспублікі Комі. Усяго – каля 250 чалавек.
Нагадаем, гэты фестываль традыцыйна праходзіць раз у тры гады, але з-за пандэміі каронавіруса ў 2020 годзе ён не праводзіўся.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Таксама на Sputnik:
Вялікі тэатр РФ прывязе ў Мінск оперу "Царская невеста"
Выстава беларускага народнага строю адкрываецца ў Мінску – відэа
Скульптару Занковічу прысвоена званне заслужанага дзеяча мастацтваў Беларусі