Ануфрыенка: любы нацыяналізм ператвараецца ў фашызм

МІНСК, 12 кас – Sputnik. Нацыяналізм ва Украіне спачатку меў мяккія формы, заявіў на форуме ў Мінску расійскі блогер Міхаіл Ануфрыенка, перадае Sputnik.

"Любы нацыяналізм трансфармуецца ў фашызм", - падкрэсліў блогер.

Ануфрыенка доўгі час пражыў у Крыме, дзе, паводле яго слоў, украінскія ўлады плаўна і паступова ўкаранялі антырускі парадак дня.

Напрыклад, адзін з крокаў – гэта перавод Крыма з маскоўскага часавога пояса ў кіеўскі. Спачатку не ўсе з гэтым пагадзіліся, і на крамах былі шыльды "Мы працуем па маскоўскім часе". Потым людзі былі вымушаны перайсці на кіеўскі час.

Іншы крок – ператварэнне Украіны з нейтральнай дзяржавы ў краіну, якая імкнецца ў НАТА. Таксама адбыўся "мяккі майдан", але пасля быў і крывавы.

"Гэта прайшло праз мяне, праз маю сям’ю, праз маіх сваякоў", - сказаў Ануфрыенка.

Блогер адзначыў, што былі такія выпадкі, калі сваяк пісаў данос на блізкіх у СБУ. Цяпер родныя людзі знаходзяцца па розныя бакі ў канфлікце ва Украіне.

Ануфрыенка дадаў, што можна выбіраць з гісторыі факты, якія аб’ядноўваюць, а можна выбіраць тыя, якія раз’ядноўваюць.

Блогер выступае на ток-шоу "Изолента Live", якое арганізавана ў рамках міжнароднага форуму "История для будущего. Россия и Беларусь".

Форум праходзіць у Мінску 12 кастрычніка ў Нацыянальнай бібліятэцы, якая з’яўляецца яго суарганізатарам. Таксама сярод арганізатараў Расійскае ваенна-гістарычнае таварыства, Рассупрацоўніцтва, расійскае і беларускае таварыства "Веды", Міністэрства асветы Расіі і Пасольства Расіі ў Беларусі. У форуме бяруць удзел блогеры, журналісты, гісторыкі, грамадскія дзеячы.

Інфармацыйны партнёр форуму – Sputnik Беларусь. У мультымедыйным прэс-цэнтры Sputnik адбудзецца брыфінг па яго выніках.