МІНСК, 19 кас – Sputnik. Беларусь атрымала дазвол на гуманітарны рэйс авіякампаніі "Белавія" ў Ізраіль ад улад гэтай краіны, паведаміў журналістам міністр замежных спраў Беларусі Сяргей Алейнік, перадае Sputnik.
"На сённяшні дзень застаецца адна перашкода – гэта санкцыі ЗША ў адносінах да нашага нацыянальнага авіяперавозчыка", - растлумачыў Алейнік.
Кіраўнік МЗС назваў сітуацыю з беларускімі грамадзянамі ў зоне канфлікту "даволі няпростай". Міністэрства займаецца гэтым пытаннем.
"Пакуль што цяжка казаць пра нейкія вынікі", - падкрэсліў Алейнік.
Ён паабяцаў паведаміць СМІ, калі будзе нешта канкрэтнае.
Алейнік таксама адзначыў, што ў Мінску ўзрушаны ростам колькасці ахвяр канфлікту ў раёне сектара Газа. Нядаўні ўдар па грамадзянскай бальніцы міністр назваў "бесчалавечным і жахлівым па сваёй сутнасці".
Для беларускага боку любыя атакі на грамадзянскія аб’екты непрымальны.
"Гісторыя паказвае, што вайна – гэта заўсёды трагедыя. Трагедыя для абодвух бакоў", - сказаў кіраўнік МЗС.
На думку знешнепалітычнага ведамства Беларусі, далейшыя эскалацыя, тэрор і непрапарцыянальнае выкарыстанне сілы могуць прывесці да незваротных наступстваў не толькі для Блізкага Усходу, але і ўсяго свету. Беларускі бок лічыць, што ваенныя дзеянні павінны быць спынены.
Звароты беларускіх грамадзян
Абвастрэнне палесціна-ізраільскага канфлікту адбылося раніцай 7 кастрычніка.
Як паведамляў пасол Беларусі ў Ізраілі Яўген Вераб’ёў, дыпмісія вядзе ўлік усіх зваротаў ад грамадзян рэспублікі. Большая іх частка датычыцца магчымасці выезду ў Беларусь або па іншых напрамках. Пасольства, паводле яго слоў, актыўна займаецца забеспячэннем суайчыннікаў як на тэрыторыі гэтай краіны, так і ў сектары Газа.
"У кантэксце сектара Газа дыпмісія знаходзіцца ў шчыльным узаемадзеянні з расійскімі калегамі, пасольствам Беларусі ў Егіпце і ўсімі іншымі зацікаўленымі па арганізацыі вывазу беларускіх сямей. Удакладняюцца спіскі, вырашаюцца іншыя тэхнічныя праблемы", - паведаміў Вераб’ёў.
Паводле яго слоў, у пытаннях арганізацыі вывазу беларускіх сямей з небяспечных зон пасольства цесна супрацоўнічае з дыпламатамі Расіі.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Таксама на Sputnik:
Лаўроў: палесціна-ізраільскі канфлікт можа перарасці ў агульнарэгіянальны
Па свеце прайшла хваля пратэстаў пасля ўдару па бальніцы ў Газе
Валодзін: ЗША распальваюць канфлікты для ўласнага ўзбагачэння