МІНСК, 13 сту – Sputnik. Выплаты па бальнічных лістах у Беларусі вырастуць з 1 ліпеня 2024 года, паведамляе Міністэрства працы і сацыяльнай абароны.
Раней планавалася, што новаўвядзенні запрацуюць з 1 студзеня гэтага года.
"Перанос тэрміну абумоўлены запытамі прадпрыемстваў і арганізацый", - тлумачыць Мінпрацы.
Паводле інфармацыі ведамства, арганізацыям патрэбен час, каб адаптаваць праграмнае забеспячэнне да новых норм.
Выплаты па бальнічных
Раней паведамлялася, што мінімальны памер бальнічных выплат прывяжуць да мінімальнай заработнай платы. Па старых нормах база для разліку – палова бюджэту пражытачнага мінімуму. Гэта значыць мінімальны памер выплат – 169,92 рубля. Бо мінімальны заробак з 1 студзеня складае 554 рублі, то відавочна, што сума вырасце.
Таксама вырашана змяніць і іншыя нормы па лістках часовай непрацаздольнасці. Той, у каго стаж больш за 10 гадоў, атрымлівае 100% страчанага заробку з першага дня хваробы (раней за першыя 12 дзён кампенсавалі 80%, астатнія – цалкам). Калі стаж менш за 10 гадоў, то з першага дня хваробы будзе аплачвацца толькі 80%.
Акрамя таго, зменіцца перыяд, за які разлічваюць бальнічны лісток. Будуць улічвацца апошнія 18 месяцаў, а не паўгода, як зараз. Выключэнне складуць прастоі і водпускі за свой кошт па ініцыятыве наймальніка, перыяды часовай непрацаздольнасці і перыяды атрымання іншых сацыяльных выплат.
Ёсць новая норма і для тых, у каго няма асноўнага месца працы, але ёсць праца па сумяшчальніцтве. Ім бальнічны лісток будуць прызначаць па адным з месцаў працы па сумяшчальніцтве (на выбар работніка).
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"